Main apni baat ki suruaat ek kahani se karna chahta hoon jo ek sachi kahani hai.....
Ye kahani hai ek aishi maa ki jisne apni zindgi main har dard har takleef sahi apne aulad ke liye par usi aulad ne usko kitna dard diya ye sirf wohi jaan or bata sakti hai......
Ek aisa aadmi jo paison main amir hai jiske paas cars banglow or khud ka acha business hai..
Usne apni zindgi main itni tarkki ki ke woh us tarkki ke piche apno ko hi bhul. Gaya uske apno ne jo uske liye kiya woh usko us tarkki ke nasse main bhul gaya....
Par jinko woh bhula woh kabhi usko bhul nahi paaye unke liye woh unki. Aulad hi raha wohi pyar wohi fikar uske liye ab bhi hai jo kal thi bas fark itna thaa ke aison aaram nokar chakaar wale us banglow main uske paas apni maa ke liye ek kamra na tha naa dil main jagah ke jaha woh reh sake......
Yahi wajah thi ke woh maa us aalishan banglow ki jagah vruddhaashram yaani oldage home main thi......
Aise kayi log hain jo un buzurg maa baap ke bete bante hain jinke apne sagge bete u he anchahi purani cheez samaj kar unko ghar se nikal. Dete hain or us jagah chor aate hain jaha unki zindgi main apno ke thukraye jaane kaa dukh dard or aansu hote hain.......
Jab koi waha jata or un maaji se puchta ke aap kaise yaha aayi or kya howa.....
Yakin maaniye woh aise muskurati ke lagta inko yaha aane ka koi ranjo. Gham. Hi nahi hai....
Woh haste howe kehti ke kya kahun beta waha akele rehna muskil. Ho raha thaa is liye main yaha aayi kyun ke yaha sab meri tarah hai jinke paas waqt hi waqt hai bas apne nahi hai.....
Par unki hasne wali baat sun kar aap ye dhokha mat kha jana ke woh sach main bahot kush thi...... Ab dekhe aap ek maa kaishi hoti hai apni aulad ke liye......
Woh apne dard dukh takleef sab chupa kar hasti hain or ek baar bbi nahi kehti ke unke bete ne unko ghar se nikal ke yaha chor diyaaa......
Maa kaa dil hai apni bete apni aulad ke liye kaise bura kahe kaise soche ke uske saamne uski bete uske aulad ko koi bura bhala kahe.....
Par wohi beta ek baar bhi nahi sochta ke uski maa to jee hi uske liye rahi agar usko hi apne aap se durr kiya to woh waise hi mar jaayegi.....
Par dekhe aap uski himmat ke woh isko bhi gawara karta hai or apni maa ko chor aata hai oldage home main........
Woh maaji se jab koi kuch uske bete ke baare main kehta to ek hi jawab hota ke woh apne kaam. Main itna busy rehta hai or main akeli ghar pe is liye main yaha aayi hon ke in sab ke saath mera waqt bite......
Par haqiqat ye thi ke unka beta unko yaha chor gaya or keh kar gaya waha ke manager se ke aapko kuch bhi zarorat ho aap bata dena main bhej dunga bas maa ko yaha se aane mat denaa.....
Ab har baat woh jaanti thi unke bete ke baare main par jab koi bhi unse milne aata woh apne bete ki taarif hi karti or puch leti ke kya aap usko jaante ho.....
Agar jaante ho to batao woh kaisa hai kyun ke woh yaha aa nahi paya hai apne kaam se or main yaha se jaa nahi paayi apni tabiyat or dudhape ki wajah se........
Ye maa hai jisko. Andekha anchaha kar ke chor diya uski aulad ne par woh phir bhi uska puchti hai uska khyal or fikar karti hai......
Woh kabhi kabaar raat ke waqt manager se request kar ke apne bete ko phone karti or apne bete se puchti ke tumne khana khaya....
Or uska jawab hota ke haan main kha chuka ab aap phone rakho.......
Zara aap sochyi ke hamare dost humse kabhi gusse main ye kehte hain to hame bura lagta hai gussa aata hai takkeef hoti hai to us maa kaa kya haal hota hoga jisne usko janam diya pyar diya bada insan banaya.......
Sach kehta hoon aise insan ko bhagwan bhi maaf nahi karta hogaa jo apni maa ki aankho main aansu deta hoga dil main dard deta hoga.....
Maa ko bichdne ke liye majboor karne wale bete ka hasar kya hogaaa....
Or us maa ki tadap ki kya inteha hogi jo til til kar mar rahi hogi us dard or takkeef main.....
Kehte hain ke apni aulad ka dukh sab se bada bozz hota hai uske maa baap ke liye ke woh dukh unhe jite jee maar deta hai to is hisaab se us maa ke dard ko kisi bhi lafz se nahi naapa ja sakta ke woh kaise jee rahi hongi.....
Woh maaji 2017 main chal basi par unki aakhri baar bhi mooh dekhne unka beta nahi aaya....
Us bete pe gusse se ziyada daya aati hai ke usne apne insan hone ka huq dono hi jahan main kho diya apne maa ke paas bhi or us bhagwan ke paas bhi.....
Maa ke pyar ko uske khyal or uski mamta ka koi mol. Nahi hai or us se badhkar zindgi main humse pyar karne wala bhi koi nahi hota phir bhi log aisa karte hain jo har insan ke liye galat hai aisa karna.....
Apni maa ke liye pyar seva or kushi rakhna har aulad ka farz hai....
Hum unki aulad hai kal ko. Hamari aulad hogi to hame khud ko unki jagah rakh kar sochna hai ke kyaa ye sahi hogaa agar mera beta muje akela chor aaye tanhayion se bhari zindgi main.....
Kabhi nahi to hamare maa baap ke liye hame apne dil main apne ghar main or apni zindgi main woh jagah rakhni hai jo jagah unhone hamare liye apne dilon or ghar main rakhi hai paida hone se ab tak........
Yahi arz or prathna hai Uparwale se ke har maa kush rahe har maa ki aulad us se beinteha pyar kare beinteha chahe ke kabhi kisi bhi maa ke dil se apni aulad ke liye koi dard dukh aansu ki baat na nikle.....
Kyun ke sab ki maafi hai par maa ke dil dukhane ki maafi to bhagwan bhi nahi deta hai......
Uparwala mujko aapko or har us insan or us bete ko apni maa ki kadar izzat pyar or seva karne wala banaye ke woh kushi kushi apne aulad ke saath apni zindgi bitaye..... 🙏🤲🤲🤲🤲🙏
