من يومين روحت سامسونج في أغرب مشكلة قابلتها في موبايل (زرار الباور وقع) S20 FE - و لقيت المشكلة دي مكررة مع عدد من العملاء في مصر و العالم .. إبحث في جوجل و Samsung Members
علمآ إن الموبايل جديد من شهرين و أنا عميل لسامسونج من ١٠ سنوات
المهم الAgent قالي واصل معايا و بدل ما تترك الموبايل
تأكد إننا جيبنا الزرار و هيخلص في نص ساعة دون فتح الموبايل.
المهم أنا روحت النهاردة و قعدت حوالي ساعتين و نص في إنتظار تركيب الزرار و بدون تكلفة مع إن الAgent هزر و قال دة Exception ليك بس هو لاحظ إني فاهم لما قلتلة إن مفيش حاجة إسمها زرار باور يقع بس أنا فاهم إنك بتهزر .
مش دة المهم، المهم إن في خدشين عريضين في ضهر الموبايل اللي ماكنش في خدش واحد و كنت مبسوط بشكلة و أدائة ...
حاجة تزعل إن التوكيل يتعامل مع حاجة العملاء دون مسئولية ، و أنا قلت للAgent في خربشة علي الموبايل عمل مش سامع ... للأسف في غلط يعني أية صيانة سامسونج تخربش موبايل لسة جديد ، و خصوصآ إن الموبايل رايح في مشكلة زرار باور يعني حاجة تكسف ماتطلعش من موبايل مضروب.
أنا بسجل إستيائي من سامسونج مصر لإن موبايلي جديد و مكنتش أحب إني لما ألجأ لشركة بتعامل معاها كمشتري دائم لكل منتجاتها إن موبايلي يتم خربشتة عند صيانة شيء من الأصل غريب ...
كنت أتمني يتم تعويضي مش عشان محتاج حاجة بس عشان أحس إن الشركة اللي بتعامل معاها طول عمري بتقدر ثقتي فيها إللي خذلتني في أول معاملة مع ضمانها في عيب صناعة ليس بيدي و أعتقد إن الموبايل تم فتحة و دي كمان شيء في حد ذاتة كنت أتمني إن في الحالة دي يتغير الموبايل بواحد جديد ... بس للأسف كل السنين مع سامسونج كعميل مكانش ليها قيمة عند الجد.
