تکلیفوں سے گزرے بغیر کیسے پتہ چلے گا کہ ہمارا رب مشکل کُشا ہےبِن مانگے ہی مل جائے تو کیسے یقین ہوگا کہ ہمارا رب دعاؤں کا بہت سُننے والا ہےاگر سب ہمارے ساتھ رہیں تو کیسے پتہ چلے گا کہ اللّٰہ کے سِوا کوئی اپنا نہیں ہوتا ناممکن کی طلب اگر ہمیں نہیں دی جائے گی اور ہم ناممکن سمجھ کر مانگنا چھوڑ دیں گے تو کیسے پتہ چلے گا کہ اللّٰہ معجزے کرنے پر قادر ہےہم انسان ہیں اس قابل نہیں ہیں کہ اُس کی مصلحتوں کو سمجھ سکیں ہم ہر حال میں اس پر یقین رکھیں کہ ہمارا رب وہی ہے جس نے سمندر کے بیچ سے موسی علیہ السلام کے لئے راستہ نکالا تھا ابراہیم علیہ السلام کو آگ اور یونس علیہ السلام کو مچھلی کے پیٹ میں محفوظ رکھا ہاں ہم ابراہیم، موسی۱ اور یونس علیہ السلام نہیں ہیں مگر ہمارا رب تو وہی ہے جو ان کا تھا۔
