شكوي تحديثات شركة سامسونج مصر

[Kodiva]

وصول اندرويد ١٢ لسلسلة S20 في جميع انحاء العالم و لم يصل مصر ... مع اعلان منصة اخبار (سام موبيل) ان التحديث وصل لمصر ... طب و بعدين ده نزل اندرويد جديد و نزل تحديث امني لشهر يناير و لسه مفيش جديد عندنا ... و الشركة خدمة عملاء زي الزفت مفيش غير رد واحد حافظ مش فاهم ... اطلاق التحديثات يختلف من بلد الي أخري .... لا الحقيقه ان سامسونج مصر فشله و مش واخدين وضعهم لأن دوله زي الامارات و السعودية وصلحها تحديث مع باقي دول العالم بالعكس ده كان قبل بعض الدول بيوم او اتنين ... بس عندنا كأكبر عدد مستخدمين سامسونج في الوطن العربي كله هنا في مصر اخر حاجه في كل حاجه 

[Kodiva]

لا انا مش قصدي اختلاف نسخ انا قصدي اختلاف اصدار ... سامسونج ملهاش مصنع واحد بيصنعلها ليها في كذا مكان في العالم امريكا و دول شرق اسيا ... اصدار بقا كل مصنع مختلف معأن هو هو الموبيل بس عارف احنا لما نقول علي حاجه ده تقفيل تعبان و ده تقفييل نضيف .... عشان كده لما بشتري موبيل حتي لو في المحلات رخيص بروح اشتريه من سامسونج او فودافون او البرندات الي الموبيل سعره بيفضل ماسك نفسه فيها مش بيقل زي محلات الشارع عشان ده بيبقا يعني انضف فيرجن و اصدار ينزل بلدك في التصنيع ...... ممكن يبقا كلامي غريب و متصدقنيش بس انا بجد متأكد من كلامي ده

[Anonymous]

فعلآ في مصانع كتير وفعلآ في اختلاف في الاصدارات حسب المنتج هينزل فين وهينافس مين وبيتم تحديد الاوبشنات المتاحه وفقآ للبلد اللي نازلها زي كل البضائع التانيه واولهم السيارات
بقالنا فترة طويله منزلش مصر حاجه لسامسونج غير من الهند او فيتنام في الغالب يعني
فا مفيش مساحه كبيره للاختيار هما اصدارين او نسختين فقط والتوكيل او البراندات عندهم الاتنين لنفس الهاتف زيهم زي باقي المحلات العاديه وفرق السعر بيكون راجع لعدم اعطائك فاتورة ضريبيه وده بيفرق كتير في السعر مش لاختلاف المنتج
عامتآ انا برده بعمل زيك بس لاسباب تانيه غير اصدار الهاتف
اسباب تتعلق بسوء التخذين او ان يكون الباكيدج ملعوب فيه او اتفتح قبل كده او اتباع ورجع الي اخره

[Eslamg012877]

اتفق

[MahmoudYousry]

فعلا اتفق معاك

[ErsamS20]

كل الشركات بقى عندها مصداقية وأهتمام بالمستخدم إلا سامسونج وخاصة المستخدم المصري

[Kodiva]

عشان في مصر سامسونج وكيل الصافي فصباح الفل محدش مركز و الوكيل همه المكسب و الربح .. يعني أبل الي تناكة الدنيا فيها هتفتح فرع رسمي في العاصمة الادارية و خلاص تريد لاين هيبقا مجرد محل بيبيع ايفون مش هيبقا وكيل ليه ... بس سامسونج ازاي تهتم بأكبر بلد مستخدم ليها في الشرق الاوسط و الوطن العربي ... حاجه زي الزفت

[Minagirges]

كلمتهم علي الويب سايت بتاعهم قالولي مش علشان جه ف الامارات والسعوديه يبقي هييجي هنا ف وقتها 😂😂

[Kodiva]

شركة مهزءه 😒😂😂😂😂😂

[Minagirges]

لسه جايلي التحديث دلوقتي

[Kodiva]

موديل موبيلك كام؟