بطارية S22 ultra

[abukayan17]

يا اخوان جوالي S22 ultra احس ان البطارية تخلص بسرعه ايش الحل مع اني اشغل وضع توفير البطارية ساعدوني مو معقول الجوال كذا طبيعي بطاريته

[MoradAli]

تحتاج تسوي عدة حاجات عشان تحافظ على مدة تشغيل اطول
حط بعض التطبيقات في وضع السكون العميق
لا تشغل مزامنة البيانات دائما
استخدم بكسبي روتين لبعض الاوامر
وغيرها من المواضيع متوفرة في منشورات قديمة

[abukayan17]

والله يا غالي مسوي كل شي وفوقها مشغل وضع توفير الطاقة وبالقوة يصمد معايا ١٤ ساعه واستخدام خفيف

[MoradAli]

١٤ ساعة انجاز
جوالي s21 الترا اطلع من البيت ٧ الصباح والشحن ٨٥% وارجع المغرب والبطارية من ٣٠% الى ٢٠%
ومسوي كل شي يوفر بالبطارية حتى سطوع الشاشة يدوي عشان ما يزيد على ١٥%

[ahmadalis20]

الs21 أفضل من ناحية استهلاك البطارية

[abukayan17]

ايوه انا تقريبا زي كذا بالاضافه انو جوالي استخدامه خفيف خاصة اذا كنت في العمل معظم الوقت ما استخدمه .. انا بس مقهور على المبالغ اللي الواحد يدفعها ويتفاجأ انو زي كذا

[abukayan17]

كان معايا قبله A71 والله كان يكمل معايا يوم ونص بالراحة .. جاني هذا صدمني وانا دافع فيه مبلغ كبير

[Has90Has]

للاسف مثلك منصدم من استهلاك البطارية عكس فئه A مثل A71 او A51 والله من افضل اجهزة امتلاكتها وتمشيك يوم ونص احيانا يومين
جرب اطفئ 5G خلها ع 4G

[ahmadalis20]

الأجهزة المتوسطة دائما أفضل من ناحية الحرارة واستهلاك الطاقة بسبب تردد المعالج المنخفض مقارنة بأجهزة الفئة العليا،والA71 لو جاء ببطارية ٥ الاف كان علووم😅

[abukayan17]

انا مشغل وضع توفير البطارية يعني حتى 5G مقفل .. خليها على ربك والله احس ندمت اني اشتريته.