عندي مشكلة غريبة معايا سامسونج a71 الموبايل بيعمل حركة غريبة هي أن صوت المايك بيفصل نهائي فجأة وبدون سابق انذار ومش بيرجع غير لما اعمل ريستارت و قت ما بيحصل كدة المايك و مسجل الصوت في الموبايل نفسه مش بيلقط اي صوت حتي سماعة الأذن الموبايل مش بيحس بيها لو وصلتها ايه رايكم هل فيه حل للمشكلة دي
المشكلة دي كانت قديمة مع ال ايه ٧١ بالذات امشي ورا البيكسبي حاول تعطلها بأي طريقه وشوف فصل المايك اخباره ايه ان شالله بعد كل اعادة تشغيل تعمل ايقاف اجباري ليها وكل اللي تبعها زي Bixby dictation , routines والحاجات دي
تمام استاذ جمال شكرا لحضرتك المشكلة أنها ملهاش وقت يحصل فيه المشكلة دي يعني ممكن الموبايل يقعد يومين تلاتة والاقيه حصل فيه كدة واكتشف كدة لما اعمل مكالمة واللي بكلمه يقولي مش سامعك وقتها بفتح الريكورد بعد قفل المكالمة الاقي مش لاقط اي صوت واول ما اعمل ريستارت تختفي المشكلة مع العلم / أنا محافظ علي الموبايل كويس وعمره ما وقع مني نهائي أو اتخبط مني
تعيش وتحافظ 😉 المشكلة ملهاش علاقة بسوء استخدام او ما شابه دي مشكلة سوفت قديمة في الموديل ده من اندرويد ١٠ تفسيرها ان البيكسبي بيمسك المايك مش بيسيبه حتي لو مش بتسخدمه جرب زي ما بقولك هتلقيها ما بتحصلش تاني ان شاء الله
