الموبايل فالاول كان جامد ف اندرويد 10 بعد كدا نزل تحديث 11 بدأ اللاجات و الحاجات اللي ميتسكتش عليها اللي انا سبت معظم الالعاب بسبب الفريمات اللي بتنقص بشكل مش طبيعي و التعليق و اللاجات و الصراحة الجهاز كان جامد بس التحديثات بوظته تقريبا الحاجة الوحيدة اللي لسا متميزة فيه البطارية انما سرعة الشحن مش مهتم لان بشحنه بليل ف مش هتفرق انا نايم مش نايم المهم بصحى بلاقيه مشحون الموبايل مع كل تحديث اللاج بيزيد و الفريمات بتقع اكتر ف عاوز طريقة انزل بيها الموبايل لاندرويد 10 تاني عشان دا ميتسكتش عليه بالذات ان الالعاب بتتقدم و سامسونج بتنزل تحديثات بصراحة متنفعش للموبايل دا ابدا بالذات لانه في الفئة المتوسطة ايام ما نزل
مساء الخير يا فندم مع حضرتك اميرة من سامسونج مصر بنشكرك جدا علي طرح سؤالك ونتمنى لحضرتك يوم سعيد يرجى عمل ضبط مصنع للجهاز عن طريق الخطوات الاتيه : - الضبط -الاداره العامه - اعاده الضبط -اعاده تعييين بيانات المصنع -اعاده الضبط -مسح الكل واستأذن حضرتك قبل البدء في هذه الخطوة, يرجى نسخ بيانات الهاتف.ويمكن تخذينها من خلال الرابط التالي الخاص ببرنامج Samsung smart switch http://www.samsung.com/eg/support/smartswitch/ نتمنى حل المشكله عند حضرتك فى أقرب وقت ممكن ولو عندك أى استفسار أخر هتلاقينا موجودين تحت أمرك فى أى وقت شكرا لحضرتك ولوقتك
خلي اي محل صيانة ينزلك اندرويد ١٠ وانت واقف الموضوع بياخد دقيقة واحدة هو في طريقة ينزل فيها من اي كمبيوتر بس هتحتاج تحمل السوفت وده بياخد ٥ جيجا وهتدوخ شوية علي الطريقة
