...
اوعى تشوف نفسك بعيون الناس ... عشان المواقف بس هي اللي بتبينلك انت مين وتقدر تعمل ايه وتسكت على ايه وتصبر على ايه .. المواقف الصعبه عدت علينا كتير بحكم الشفتة وعشته😞 تقريبا اهو وبحكم ان الواحد من زمان وهو بيعتمد على نفسه ... بس اكتشفت ان فيه مواقف برده ممكن تخلي الأبيض اسود المحترم قليل الذوق والقطه المغمضه بتبقى اسد مش شايف قدامه ... وداه مبيكونش بين يوم وليله بيكون ناتج عن حاجات كتير اتسببت في كده .. أهم حاجه متاخدش قرار وانت مستعجل .. فيه أمور بيكون التجاهل فيها أو السكوت أحسن من مليون كلمه ممكن تتقال بدون لازمه .. متكتبش كلام تندم عليه بعد كده .. متبصش للأمور بـ عين ضيقه بصلها بشكل واسع من كل الأتجاهات وحللها كويس أوي حط نفسك مكان كل واحد وأنت هتفهم هو عمل كده ليه ... ألتمس لأخيك سبعين عذراً فأن لم تجد له عذرا فقل له عذراً .. لو حبيت تبعت كلام ممكن يدايق حد متبعتوش ساعتها الأول نام وروق بالك وأصحى فكر في كلامك داه تاني هتلاقيك كنت ممكن تخسر حاجات كتير لو بعته وهتقول الحمد لله اني مبعتوش ساعتها .. العالم مش هيفرق معاه حاجه وجودك زي عدمه نجاحك أو فشلك فرحك أو حزنك .. بس هيفرق معاك انت اذا كنت عايز تبدأ وتبقى أنسان جديد حياه جديده A to Z .. أو نويت تدفن نفسك في ذكرى معينه وتستلم ليها ... مش لازم تكون كامل الكمال لله .. كلنا مليانين عيوب ولولا ستر ربنا لكانت بانت عيوب عمرك ما كنت تفكر انها موجوده ... بس كفايه انك تكون مش كداب او منافق او بتاع مصلحتك ... لما تدي حد بتحبه اكتر من فرصه عشان متخسروش وهو مصر يخسرك ... حط حبك على جنب واخسره .. متجريش ورا حد عشان هتتعب وماتدورش ورا حد عشان هتتعب .. لو خرجت من حياة حد .. خرج معاه كل حاجه ممكن تفكرك ... حطها على جنب في صندوق ذكرياتك ... بطل تراقبه من بعيد ... محدش هيتوجع غيرك أنت .. متراقبش حد خرج من حياتك .. من الاخر خليك في حالك يرتاح بالك والباب اللي يجيلك منه الريح سدو واستريح .. عشان جرحك يلم بطل كل شويه تلمسه بحجة ان انت بتطمن عليه .. اسوء علاقه هي اللي بتنتهي بدون مبرر بدون سبب بتلكيكه تخلي عقلك يهنج مِن التفكير وانت بتسأل هو حصل ايه ، مين غلط ، مين بداء طيب مين انتهي !!!!!!!!!! .. حاجه صعبه انك تمسح ذكرى من بالك ... بس هيجي عليك وقت لازم تمسحها ... لازم تنساها بتفاصيلها الكبيره والصغيره ... سواء كانت يوم او اتنين او حتى سنين ... هتنساها ... عشان تعرف تكمل عشان تعرف تعيش ... اهلك ثم اهلك ثم اهلك ... الاب هو ذاك الذي تطلب منه نجمه يعود حاملا السماء لك .. الام مش هيكفي لو كتبنا فيها باقلام العالم كلها .. ... أحنا مش ملايكه ... أكيد لازم غلطنا أو بنغلط أو هنغلط ... أهم حاجه أنك لما تغلط تعتذر عن غلطك داه .. سواء الأعتذار هيجيب نتيجه أو لأ لكن الأعتذار قوه مش ضعف الأعتذار ثقافه راقيه يعتقد الجاهلون انها اهانه للنفس .. النصيحه ... مش كل واحد هيوجهك للطريق الصح ... مش كل واحد هيتمنالك الخير ... لما تاخد رأي حد في موضوع مهم متاخدش برأي أي حد وخلاص لالالالالا الموضوع ليه ابعاد تانيه مش هتعرفها غير لما تاخد راي الناس الصح .. اللي فعلا هينصحك ليك و مش هيقولك رأيه مجرد تحصيل حاصل ويرجع يقول بعد كده انا مليش دعوه ... الناس اللي بتنصحك عشان عايزه مصلحتك دول كمان خليهم في جنب لوحدهم في ركن كده من الماظ احتفظ بيهم ... عشان مش هتلاقي كل واحد عنده الناس دي اللي تنصحك ليك انت ... الأحتياج ... الأحتياج لشخص في فتره معينه من حياتك ممكن يحول حياتك لجحيم لو الشخص داه اتنازل عنك وسابك نص الطريق ... جواك فراغ كبير مليته بيه بس هو سابك وعنده بديل ليك تاني يملى الفراغ اللي انت فاكر نفسك سيبته فيه ... عشان كده متحتجش لحد ومتتعلقش بحد انت مش قرد عشان تتعلق في الشجره .. اللي غاب زي اللي مات الاتنين واحد ... اللي علي وقت الاحتياج موت كل حاجه حلوه كانت ليه .. اكتفي بنفسك بس ولو حتى هتكمل العمر لوحدك .. الوحده يمكن صعبه بس مريحه اوي بعيد عن عالم النفاق والكدب ... كل الناس عايزينك عشان مصلحتهم هما وبس ... كل الناس بيشوفوا الحاجه اللي تبسطهم محدش هيفكر دي هتبسطك او هترتاح فيها ولا لأ محدش بياخد باله وهو بيضغطك بس بياخدوا بالهم لما تتغير ... ومحدش بياخد باله وهو بيجرحك بس بياخدوا بالهم لو بقيت عصبي ... محدش بياخد باله وهو بيصغرك بس بياخدوا بالهم وانت مبتهتمش بيهم .. كل واحد بياخد باله من اللي بيأذيه هو بس مش اللي بيأذيك انت .. فكر كده لو مت انهرده هيحصل حاجه ؟ ... عادي جدا بكره هينزل اعلان عن وظيفه مكان وظيفتك .. خطيبتك هتتجوز غيرك ... اهلك هيكملوا حياتهم بعدك. . اصحابك هيفتكروك بالخير .. بس محدش هيموت عشانك ... فمتموتش نفسك ولا إحساسك عشان حد محدش يستاهل بجد .. مش لازم يكون فيه حد في حياتك عشان تعيش مبسوط ... اوقات كتير الوحده بتكون احسن من مليون حد معاك ... ممكن تكون معاك كل الناس بس حاسس بالوحده ومتدايق وممكن تكون لوحدك بس مش محتاج حد معاك وبالك رايق ... راحة البال عمرها ما كانت في انسان او فلوس ... راحة البال أكبر نعمه من ربنا حافظ عليها لو راحت مش هترجع تاني ... اللحظة الفارقه في حياتك ... خليك جرئ ومتخافش .. ولعل ما تخشاه ليس بكائن ولعل ما ترجوه سوف يكون ... خلي عندك شخصيه. .. واخسر اللي خايف تخسره عشان تبطل تخاف .. في العلاقات متدورش على اللي بيشوف اللي بيسعدك فبيعمله دور على اللي عارف اللي بيدايقك فمبيعملوش .. لازم يبقى عندك الشجاعه أنك تنسحب وقت ما تحس انك خلاص مبقاش مرغوب فيك .. .. انسحب بهدوء وامشي ... الحب ... احلى حاجه في اي علاقه البدايه كل الناس في الأول كويسه بس الثبات الصادقين في حبهم .. العند وحش اوي .. التعامل بمبدأ واحده بواحده غباء. . إنك تحب بزياده داه مش حاجه حلوه انت كده بتهين نفسك وبتيجي عليها .. مش كل حد مهتم بيك داه مهتم بجد .. فيه ناس بتهتم مرحله وناس بتهتم مصلحه .. مكانت الناس جوانا مبتتغيرش الا بتصرفاتهم .. فبلاش تهتم بزياده وعز نفسك وقدرها ... اذا سكن الله قلبا حرص عليه من الأنكسار .. متحبش قوي عشان القوه لله وحده ... اسمع اللي بتحبه وخليه يقول كل اللي جواه حتى لو كان خايف ... متزهقش منه ومتسيبوش لوحده خليك دايما جنبه حسسه بالأمان واعرف ازاي تحتويه اوي ... أنك تسمعه دي لوحدها حب منك .. بس لما تسيبه حتى لو يوم مش هيلاقي اللي يسمعه غيرك .. ويمكن بعد ما كنت في كفه والدنيا في كفه تلاقي نفسك بره الكفتين. .. اسمع حتى لو مش هتتكلم بس متسيبوش لوحده ... لما بيحتاجولك بيلاقوك ولما بتحتاجلهم مبتلاقيهمش صح ؟ .. عادي على فكره ...اعرف ان كسر الخاطر مبيجيش غير من اللي بنحبهم .. سامحهم أنت وادعيلهم .. متبقاش أنت والأيام عليهم .. والكاظمين الغيظ والعافين عن الناس .. خليك قوي الأيام مبتجيش في صف الضعيف ابدا .... دروس الحياه والتجارب ... متفتكرش بأن خبرتك في الحياه هي عمرك اللي عايشه .. كلام اكبر منك بيوم يعرف عنك بسنه داه انساه خااااااالص ومتفكرش فيه ... خبرتك الحقيقيه هي التجارب اللي بتدخل فيها في الحياه ... هي احتكاكك بالناس .. هي انك تعرف تتعامل وتتكلم وتسكت وتزعق وتصالح وتعمل مشكله ولو وصلت للضرب تضرب كمان ... الحياه مش شفافه اوي عشان تعيشها ببساطه ومتديش كل حاجه حقها ... حياتك حقك تعيشها صح وتجرب مره واتنين وعشره ... لحد ما تقتنع فعلا ... كل حاجه بتبقى حلوه في الأول بس .. لكن الحلاوه الحقيقيه هي اللي بتيجي مع الأيام بعدين لما الوشوش تظهر ونلاقيها ثابته على موقفها ... لما تدخل في صراعات وتلاقي اللي واقف مباعكش ... ايوه والله هي دي الخبره الحقيقيه لكن ممكن يكون عندك 50 سنه وواحد عنده 20 سنه عنده خبره في الحياه عنك ... الخبره هي التجارب عشان صوابعك فعلاً مش زي بعضها .. الأخلاق والمعدن الطيب ... الخلافات هي اللي بتبينلك اصل الناس كل الناس كويسه في اللحظه الحلوه بس الخلافات هي اللي بتعرفك قيمتك الحقيقيه عندهم .. مش مهم يكون في جيبك مصحف ... الاهم انك تكون في اخلاقك ايه .. متندمش على انك قدمت حاجات كويسه ومشاعر بجد لحد مستاهلهاش ... كفايه انك كنت رائع وكريم وانت بتقدمها ليه ... العلاقات لما تنتهي مش لازم تتحول لانتقام ومشاكل وصراعات .. هتعدي عليك سنين بعد اختيارك انك تطلع من حياة ناس وهتشوفهم و وهتحمد ربنا انك طلعت من حياتهم سواء برضاك او غصب عنك .. قلة التقدير لما تحسها من حد انت حاطه في خانه ومكانه لوحده وهو راكنك على الرف بكل برود وتلاقي نفسك في حياته مرحله مؤقته شئ مهين جدا بجد ... ابعد على طول ومتفكرش .. راقبهم من بعيد وانت هتعرف ربنا بعدك عنهم ليه.. قول بس كانت فرصه سعيده ودرس اتعلمنا منه .. الموضوع بسيط والله ... والموفون بعهدهم اذا عاهدوا .. مفيش ظروف تخلي الوعود متتحققش غير ان الوعود من البدايه كانت مزيفه ... متوعدش حد بحاجه انت مش قدها ... الوعد عهد عليك ... الكلمه عند النظره عهد اللمسه عهد. .. والعهد مبيتقالش لأي حد مترميش وعود وعهود على الفاضي .. عشان بتتحسب عليك وهتتردلك في يوم من الايام لما تخلف بعهدك ... الهروب من الواقع لأكذوبة الحب .. مفيش حاجه اسمها ( محدش بيختار اللي بيوجعه ) كلنا من البدايه شايفين النهايه وعارفينها كويس اوي بس بنكدب نفسنا و مفعول الحب بيكدبها وبيخلق مميزات من العيوب وكلنا من اللحظه الاولى عارفين الشخص داه هينفع ولا لا بس بنكابر .. بنخلق حجج فارغه عشان احنا اجبن من اننا نعترف ان اللي بنحبهم هيكسرونا وهيوجعونا في يوم من الأيام ...لما حد يتوجع من اللي بيحبه بلاش كلام من اللي هو ( احنا حذرناك من الأول بلاش احنا كنا عارفين كده تستاهل بقى اللي جرالك ) بلاش اللوم والعتاب بالطريقه دي ... اه كنا سامعينكم وعارفين ان احنا غلط وعارفين الحقيقه ... لكن الحب اقوى من اي شخص وأقوى من العقل. .. الحب اصل الوجع كله ... محدش هياذيك الا الشخص اللي حبيته من كل قلبك وحطيت ثقتك فيه في يوم من الايام وخليك فاكر كلامي داه اوي ... عدم التسرع في الحكم على الأمور ... متتعودش تشوف الحاجات من برا وتحكم عليها .. جوا الكتب حاجات كتير لو قريتها هتعرف ان الغلاف ملوش دعوه بالمضمون ... اقرا الكتاب كويس اوي قبل ما تحكم على غلافه ... اقراه كلمه كلمه وحرف حرف ... خد بالك من كل التفاصيل من أول المقدمه والأهداء و أرقام الصفحات .. هتلاقي جواه كلام حشو كتير اوي خد بالك من التفاصيل المهمه ... مش مهم الحشو داه المهم التفاصيل الصغيره المهمه اللي هتخليك تعرف تحكم كويس على الكتاب كويس ولا لا .. مش كل الحكم من برا ... فيه حاجات كتير بتتصور وتتشال في المونتاج واما المطر ينظر تدوب كما المكياج ... الفراشه رغم جمالها بس حشره .. والصبار رغم قساوته بس زهره. .. اتعلم تحكم على الحاجه من جوا متتخدعش بالمظاهر .... على فكره البعيد عن العين مش بعيد عن القلب ... البعيد عن العين بيتجاب في سيرته كل يوم وكل ساعه وكل دقيقه .. البعيد عن العين بيتحلم بيه كل يوم ... البعيد عن العين بيتراقب كل دقيقه .. البعيد عن العين ساكن جوا القلب 24 ساعه وصورته مبتفارقش العين 24 ساعه وشاغل البال 24 ساعه .. البعيد عن العين لو كان في ايدنا كنا بقينا معاه في 24 ساعه ... مش كل حاجه تتقال تصدقها عمر البعيد عن العين ما كان بعيد عن القلب ... متعايرش الناس بماضيهم ... ولا مستواهم المادي والأجتماعي ولا شكلهم وطريقة لبسهم او شغلانه اشتغلوها انت متعرفش ظروفهم ايه عشان يوافقوا عليها .. ولا حتى ذنب كانوا بيعملوه وبطلوا يعملوه ... عشان المعايره دي مبتطلعش غير من انسان جواه اسود ومبيحبش الخير لحد .... اتعود انك تعمل الخير وترميه في البحر ... البحر واسع ومسيره في يوم من الأيام هيرجعلك الخير داه خيرات كتييير اوي بس انت اصبر على رزقك ... واتعلم ان الصيد اهم حاجه فيه الصبر مش مهم المهاره ولا مهم القوه ولا الطعم اللي في السناره .. اهم حاجه الصبر ... ادي ضهرك للناس وعيش بطريقتك الناس عايزه الحاجه اللي تبسطهم مش تبسطك ... خلي دايما جواك جزء غامض وحاجه متعرفهاش لحد ولا لاقرب الناس ليك ... علشان لما حد يتغير عليك ميعايركش بحاجه حكيتها ليه وقت ثقتك فيه ... اياك والظلم والله احساس انك تكون ظالم أصعب إحساس في الدنيا .. ومتستعجلش في الحكم على الأمور ومترميش ودنك لأي حد ... خد قرارك بهدوء وبتفكير عمييييق جدا عشان متظلمش حد معاك .. بات مظلوم ومتباتش ظالم. . تظاهر بالاكتفاء وان كنت اكثرهم احتياج الأشياء ... اتقي شر الحليم اذا غضب .. صاحب الصبر الطويل داه لما بيقرر يتعامل معاك بالمثل ويثبتلك أنه كان بيفوت بمزاجه مش ضعف منه ولا سذاجه .. بيكون عنيف أوي. . غضب الطيبين وحش جدا خلي بالك ... شكرا اوي لكل واحد باع ومهمهوش العشره ... اتعلمنا منك اننا قبل ما نسند على حيطه نتأكد انها مش مايله الأول ... شكرا اوي احنا استحملنا كتير اوي واقنعنا نفسنا كتير أنكم متقصدوش بس كفايه كده .. شكرا اوي عشان سيبتوا مكانكم لحد يستاهله غيركم. .. شكرا اوي على الوجع اللي دوقناه ... الوجع داه لوحده قوانا قوي قوي ... وعلمنا كتير قوي قوي قوي ... بجد والله شكرا ليكم ولو حتى مكانش قصدكم تجرحونا ولا كنا نهمكم في حاجه ... بس بجد بجد ... شكرا .. على فكره ... عادي اوي ان حلم حد بالنسبه لحد تاني ممكن يبقى كابوس اه عادي مش مشكله على فكره ... القلوب ليها مفاتيحها ساعات بتفتكر انك معاك مفتاحها بتفتكر انك صح وماشي سكه العاشقين ... عايش في خيال انت اللي راسمه بمزاجك ... انت اللي لونته بنفسك بلون وردي .. وداه مش عيب حسن النيه برده مطلوب .. بس ميكونش سذاجه .. فيه حسن نيه بيوصل للسذاجه انك مهما شوفت وسمعت مش مقتنع برده ... مش كل العيون شايفه بعينك ... مش كل العيون شايفه الحلم حلم زيك ... ممكن تكون انت كابوس بالنسبه لحد انت حاطه في خانة الحلم ... متفرضش نفسك على حد .. لو حسيت بس إنك تقيل على حد ابعد على طول في وقتها ومتحاولش تقاوم داه . لو عايز تفهم حد كويس شوفه هيعمل ايه في لحظة اختيار حر ... ممكن تشوف حاجات مكنتش تتخيلها .. اللي مبيصليش يصلي ... دكتور يشرب سم .. صاحبك يطعنك وعدوك ينقذك ... الخادم سيد في افعاله والسيد حقير جدا في اعماله ... الملوك يرتشون الصعاليك يتصدقون ... لحظة الاختيار الحر بتبينلك المعدن الحقيقي للناس خلي دايماً ليك صاحب ترمي معاه كل أسرارك وتقوله اللي جواك كله ويكون عارف انت هتقول ايه من قبل ما تقوله .. مره قريت قصه عن واحد كان عارف انه هيموت كمان 5 دقايق فبعت رساله لصاحبه وحبيبته قالهم انا رايح تيجي معايا .. ردت حبيبته قالتله رايح فين انا مشغوله دلوقتي مش هقدر اجي معاك .. ورد صاحبه قاله رايح فين من غيري استناني جاي معاك .. ضحك وغمض عينيه وسرح ثواني قبل ما قلبه يقف وافتكر كل الدقايق اللي كان بيفضل يقضي فيها وقت مع حبيبته وسايب صاحبه .. بس عرف في اخر ثواني من حياته ان الصاحب الجدع الصاحب اللي بدون مصلحه الصاحب داه مش هتعوضه اي حاجه في الدنيا .. خلي ليك الصاحب داه ... اللي ينسيك أي هم ... يوجهك للطريق الصح .. الموضوع مش بكتر الناس حواليك .. الصحاب مش بالعدد في الشده هما اتنين بس عليهم تعتمد ... اللي بيستحمل تقل دمك ورخامتك وكئابتك ورزالتك .. اللي ترمي عليه كل اللي فوق كتافك .. اللي يقف جنبك من غير ما تطلب منه .. اللي تروحله متدايق ترجع مبسوط ... خلي الصاحب داه دايماً في حياتك فـــ الركن البعيد عشان داه رزق مش هتلاقيه عند كل الناس أتعلم أنك تفصل كل حاجه وتدي كل حاجه وقتها .. البيت ليه وقته ... أصحابك ليهم وقتهم ... شغلك ليه وقته ... حياتك ووحدتك ليهم وقتهم ... متشتكيش لحد من حاجه مزعلاك ... ومتسألش ليه انت بس متشتكيش وانت هتعرف لوحدك مع الأيام السبب لما تاخد قرار خده صح من الأول ... لما تاخد قرار متندمش عليه مهما كانت عواقبه عشان انت اللي خدته بنفسك .. أستحمل نتايج قراراتك الغلط قبل الصح .. متلومش حد على قرار غلط انت خدته .. قراراتك مسؤوله منك ... انت ملكها وانت صاحب ال آه وال لأ فيها .. أتعلم تقول لأ كمان على الحاجات اللي لازم يتقال عليها لأ .. وتسكت لما الكلام ميكونش ليه فايده .. بس حلو أنك يكون عندك تأنيب ضمير .. وتأنب نفسك على حاجه قولتها أو عملتها مكنش المفروض أنك تعملها أو تقولها ... متجيش على كرامتك ومتجرحش كرامة حد ... عشان الأكتر من الوجع هو تمثيلك أنك راضي .... خلي روحك بعيده متتعلقش بحاجه أنهرده وأنت عارف انها هتروح منك بكره .. لما تحب حب الا حته .. خلي حته كده عشان أي أحتمال وأتوقع أي حاجه من أي حد أحنا مش ملايكه قولتلك أحنا بشر .. خلي نفسك عزيزه عليك .. 90 % من راحة البال بتكون في أهمال الناس .. عمرك ما هتعجب الناس كلها ولا قراراتك هتعجب كل الناس .. أهم حاجه انك تاخد قرار انت مرتاحله ... بتكون حاجه صعبه لما تكون بسيط أوي في أحلامك وطموحك وطلباتك ورغم كده مفيش حاجه منهم تتحقق .. كل اللي يعجبك والبس اللي يعجبك .. متاخدش برأي الناس في حاجه ... انت لو كنت ماشي صح في طريق النجاح .... الناس مش هتشوف داه بس هتشوف ان ضلك مايل ... فمتشغلش بالك برأيهم وكلامهم عشن محدش هيعجبه العجب حتى ... الدعاء يا جماعه عليكم بالدعاء كتيييير اوي ... اقدارنا محسومه ... مبيغيرهاش غير حاجه واحده بس ( الدعاء ) ... ومتزهقش ربنا بيختبر صبرك ... ادعي لحد ما الصبر يمل من صبرك .. بس انت متملش ... ومتيأسش اللي عملك block هيشيله .. واللي خرج من حياتك هيرجع ... واللي عملك unfollow داه اكتر واحد بيراقبك وبيتابعك ... اللي زعلك في يوم هيرجع ندمان .. واللي ظلمك ضميره هيوجعه اوي .. اللي اذاك هتتردله وهيفتكرك ساعتها ... محدش بيمشي نهائي كلهم هيرجعوا لما تختار اختار صح .. خد اللي شبهك في كل حاجه في طباعك ودينك واخلاقك وهدوئك وجنونك وصورتك وروحك وسيبك من اللي بيقولك الأختلاف بيكمل الناقص الكمال لله وحده ... ولما تدخل في صراع بين عقلك وقلبك اسمع لعقلك عشان متخسرش ... و اختار اللي يحترم ضعفك و ياخدك منه ويحوله لقوه مهما كانت الظروف .. وخليك مؤمن بأنك ممكن تدخل في خلاف مع الحياه ممكن تلاقي اللي تحبه وميحبكش او يحبك ومتحبوش او تحبوا بعض والحياه متحبكوش .. خلي الباب مقفول عليك اللي بيحبك مش هيزهق من التخبيط .. وخلي باب دايما مفتوح متقفلش كل ابواب الرجوع سيب باب منهم موارب شويه لعل الله يحدث بعد ذلك أمرا فمتروحش انت بقى وتقفل كل حاجه وكل باب خليها على الله وارمي تكالك على الله يزرع في قلبك من الرضا بستان ... اي حد ممكن يختارك وانت في عز قوتك لكن مش اي حد هيقف ويسندك في عز ضعفك وانت في عز احتياجك لحد جنبك ... يكون عنده استعداد يقف معاك في وش اي ظروف .. تعافر معاه لحد ما توصلوا للي انتم عايزينه .. ميجيش يبيعك في اول الطريق او نص الطريق ويقولك مش هقدر استحمل وأكمل انا آسف. .. الاسف مبيكونش ليه طعم ولا بيداوي اللي اتكسر في الوقت داه .. بلاش تيجي عليا وانا محتاجلك ... وقت ما أحتاجك ومتبقاش موجود .. وأعدي من المرحله دي لوحدي ... اعرف ان عمري ما هحتاجلك تاني ولو كنت اخر واحد في الدنيا ... في حاجات كده ممكن في الأول تفتكر انك خسرت الدنيا كلها لما تخسرها و مش هتعرف تعيش من غيرها ... بس لما تهدى وتفوق هتعرف ان حياتك عمرها ما كانت هتتصلح الا لو خسرت الحاجه دي .... كلمة قسمة ونصيب متتقالش في اي وقت ولا لاي حد اعرفوا كده كويس قبل ما تقتلوا حد وترجعوا تقولوا عمل كده ليه وقال كده ازاي. .. كلمه بتقتل اكتر ما بتوجع .. اه فيه رجاله بتعيط وهو الجرح للستات ومش لينا ما فيه رجاله بتفكر في عز الليل في ناس باعوا وفيه راجل لو يفوت في المحيط ما بيساعو ولو كان القتيل راجل داه دمه بيبقى مش سهل .. البعد اختيار والبقاء قرار .. موضوع النصيب داه بيكون شئ مرعب .. مش سوء ظن بالله لكن بتترعب لما تفكر ان الشخص اللي انت قبلته بمميزاته وعيوبه واتعودت على وجوده جنبك انه ممكن يكون مش نصيبك .. من الحاجات اللي كنت كاتبها قبل كده ( وعدتك اني اكون ليكي .. وعدتيني تكونى عشاني .. وعدتك اني اعدي بحور .. وايدك مش هسيبها خلاص .. حلفت وقولت مش سايب .. وروحتي انتي اللي سبتيني .. كفايه عليا اكون موجود في حلمك كل يوم حاضر ... ولما تجيني اقول حاضر انا موجود وميأستش .. فيه حاجه كانت معاندانا .. وحالفه ما بينا لتفرق ... حاربنا عشانها ياما كتير .. وبرضو نصيبنا نتفرق ) ... هو داه النصيب مهما تعمل ليك نصيبك... الموضوع مش سهل ولا بيتنسي مع الأيام بس احنا بنحاول نتناساه عشان ندي لنفسنا مساحه أكبر عشان نعرف نعيش ونكمل اللي باقيلنا محدش هيطبطب عليك غير نفسك .. متصعبش على حد وأوعى تعيش دور الضحيه أو تبان ضعيف قدام أي حد ... الناس مش شايفه الدنيا بعينك هتشوفك بس ضعيف ومكسور وممكن كمان متستحقش الشفقه عشان أنت عايش في غابه مش في جنه ووسط ملايكه .. متزعلش لما تدخل على بروفايل حد عزيز عليك عشان تسلم عليه وتلاقي add friend .. أضحك ولو جواك وجع الدنيا دي كلها .. لما حاجه توجعك تيجي في بالك أو حد مات يوحشك أسكت وأسرح .. الميت بنشتاقله بس مش بندور عليه .. عاتبهم قولهم ياللي انتوا ساكنين في السما مزورتوناش في الحلم ليه موحشناكمش ولا ايه ... .. وأعرف ان ربنا هيعوضك خير عن كل حاجه حصلت معاك ... عن كل لحظه جبرت فيها بخاطر حد وأنت اللي محتاج حد يجبر بخاطرك ... مش كل الناس بتتمنالك الخير ... مش كل الناس مستنياك تنجح عشان تصقفلك .. اتعلم أنك تعدي وتتعامل بسطحيه ومتاخدش كل حاجه على محمل الجد .. عشان أكتر ناس هتوجعك هي اللي كانت أقرب الناس ليك يوم من الأيام .. عشان تمشي صح في الحياه أتوقع أي حاجه من أي حد ومتقولش داه واثق فيه مستحيل يعمل كده عشان كل حاجه ممكن تحصل من كل الناس .. فيه مرحله في حياتك هتلاقي فيها دايرة اللامبالاه واسعه ومش كل حاجه هتفرق معاك .. اللي يتصل يتصل اللي يسأل أهلا وسهلا واللي ميسألش عادي ربنا معاه أكيد عنده ظروف ... الدنيا مش هتقف عليك وخليك مؤمن بأن العوض من ربنا هيجيلك على صبرك وأيمانك بيه الثقه صلاحيتها موقف واحد بس ولو دخل الشك هتبقى بداية النهاية. .. كلمة اسف او معلش او مكانش قصدي هيعملوا ايه بعد الوجع ؟ .. هما لو عايزين ميكونش قصدهم مكانوش عملوا كده من الأول مكانوش وجعوك ... زمان كانوا يقولولنا هات كبايه واكسرها وشوف اللي اتكسر مبيتصلحش ازاي ... أي اعتذار مهما كان مش هيرجعك زي الاول ... اللي بيروح مبيرجعش. .. عودوا نفسكم على الصراحه في كل حاجه ... الصراحه راحه مهما كانت قاسيه. .. هتلاقي اكيد حل لأي مشكله لو فكرتم بصراحه ... بس لما تداري حاجه ولا مليون حل هينفع ... الصراحه يا جماعه هي الحل والله لو حد خرج من حياتك بمزاجه متزعلش عليه مدام داه قراره هو اللي مسؤول عنه ... بس مينفعش يرجعلها تاني وقت ما يحب ... مش عشان هو وحش او كده ... بس عشان هو أختار يبعد وقت ما انت كنت في عز احتياجك ليه ... هو لو كان عايزك بجد و مكنش عايزك تتجرح وهو عارف انه غالي عليك مكنش سابك ومشي ... لو حد خرج من حياتك وقت احتياجك ليه متدورش عليه تاني ولو كانت روحك فيه ... كتير اوي بيجي علينا وقت تفكر ان الحياه بتقف خلاص ... بتكون لحظات وجع ... بس عادي كله بيعدي ... هيجيلك حد ينسيك اي وجع قديم الدنيا مبتقفش على حد وكلنا فترات في حياة بعض .. كلنا مجرد فصل في كتاب كبير .. كتاب عنوانه القدر .. كتاب لو كنت عارف نهايته ممكن أول مكنتش تختار انك تقراه من الأول .. اللي وعدك يفضل معاك كداب الوعود دي كلها مجرد كدبه بنهون على نفسنا بيها الوقت ... مفيش وعود بتتحقق غير وعود ربنا .. ... خليك مؤمن بالعوض من ربنا وأنك لسه محبتش الحد اللي يستاهلك ... بعدين حياتنا هي 60 سنه لو كملناهم يعني .. وعدى اكتر من نصهم فمفيش حاجه مستاهله والله انك تشيل في قلبك من حد او تقعد تفكر نفسك بحاجات ممكن تدايقك ... اتعلم منها واركنها على الرف .. اركنها وسط الكتب اللي كنت بتقراها .. اعتبرها روايه خلصتها وادخل على الروايه اللي بعدها وشوف حياتك هتمشي ازاي ... الموضوع بسيط اوى .. شيل الكلام جواك وأضحك وركب وش كل اللي قال قبلك مسمعش غير معلش متحلمش بحاجه مش ليك .. ارحم قلبك .. خيبة رفضك لحاجه انت عايزها هتكون اخف من الم الأستغناء عنها بعد ما تملكها ... اللي يغلط في حقك سامحه من قلبك .. انت بتقف قدام ربنا تطلب منه السماح فمينفعش نطلب السماح من ربنا على اخطائنا واحنا مش قادرين نسامح اللي غلط في حقنا مهما كان الغلط حجمه ايه ... سامح برده ... الرسول ضربوه واذوه وكان بيمسح دمه وبيقول اللهم اغفر لهم فإنهم لا يعلمون ... متتكلمش وحش في حق حد انت كنت شايفه في يوم حاجه كبيره .. مهما حصل ومهما عرفت انه قال اي حاجه .. خليك انت برده الأحسن واسكت ومتتكلمش وحش في حق حد ... ياعم هما اعمارنا كلها متوسطها 60 سنه ولا كام وستين يعني بالطول بالعرض هيعدوا خلي صفحتك انت بيضه عند كل الناس حتى اللي غلط في حقك خليك انت الأحسن ... انت هتنسى مع الأيام وربنا هيكرمك بس هو ضميره هيوجعه ويوم ما يتردله هيفتكرك اوي ... والله كل حاجه بتترد ولو بعد سنين كتير اوي .. اعرف ناس اترد فيهم حاجات بعد اكترمن 10 و 15 سنه .. وساعتها افتكروا حاجات قديمه كانوا فاكرين انهم نسيوها ... افتكروها والله كأنها حصلت لسه امبارح بكل تفاصيلها الصغيره والكبيره .... ربنا مبيسبش حق حد ظلم ... الظلم ظلمات يوم القيامه ... ولو انت ربنا بيحبك هيترد فيك عملك في الدنيا مش في الآخره خليك مؤمن بأفكارك متغيرهاش عشان حد ... هدفك في الحياه لازم توصله ... متبصش وراك اللي راح مش هيرجع خليك في اللي جاي ... خلي املك في ربنا دايماً كبير اوي ... ... مش هفكرك تاني وهقولك ادعي كتير اوي ربنا بيحب العبد اللحوح في الدعاء اللي ميملش من دعائه ابداً وعنده يقين في ربنا ان احلامه هتتحقق عاجلاً ام اجلاً قول على طول ربنا يكتب اللي فيه الخير بلاش ربنا يتمم على خير عشان ممكن حاجه تتم وميكونش فيها خير ...اتعلم تقول ربنا يكتب اللي فيه الخير دايما ... نصيحه اخيره .. عشان احنا بشر وفينا الشر فخليك قاتل وأطلب المغفره ومتبقاش مقتول وتطلب الشفقه خليك عارف انه الأصعب من انك تقتل حد هو إنك تديله فرصه تانيه للحياه متموتش مرتين ... هي موته واحده .. فمتموتش قبل ميعاد موتك لو كشف لنا حجب الغيب لاخترنا اقدارنا كما قدرها الله لنا .. اوقات القدر بيكون صعب بس لو خيرت بنفسك لاخترته نفسه وداه لحكمه لا يعلمها الا الله ... ارض بقضاء الله . . . أنا عارف ان انا بالبوست داه تقريباً دوست على الزرار اللي كان في قلبي 🙂😞😞
