هل تهكر حسابي البنكي؟

[سلطان2024]

امس بالليل صار لي شي غريب

وصلني إشعارات من البنك ان فيه طلب تغيير بريدي الإلكتروني ووصلني ٣ إشعارات مع ارقام تحقق؟ 

يعني فيه هكر اخترق حسابي البنك ويحاول يغير بريدي الإلكتروني. 

كلمت البنك ماحصلت عندهم حل الا إيقاف التطبيق لحسابي. 

رفضت ودخلت التطبيق ماحصلت اي جهاز دخل حسابي غير جهازي القديم كان اخر دخول له من سنتين. 

طيب وش تحليلكم هل الهكر دخل لحسابي من متصفح؟ 

كيف قدر يدخل الحساب بدون رساله تحقق على جوالي؟ . علما اني ماحدثت جوالي s22 + الا اليوم. 

وشكرا لكم 🤝 

[KhalidAA · Accepted solution]

الاشعارات عن طريق رسائل sms او بريد إلكتروني
لو كانت عن طريق الايميل اتأكد من عنوان المرسل قد تكون سبام من عنوان مشابه لعنوان البنك ويرسلك رابط مهكر لاتمام الطلب

[سلطان2024]

من البنك الرسالة بريد إلكتروني تحققت من العنوان وتحمل رمز تحقق رسائل

[KhalidAA]

طيب بس حبيت اتأكد منك .. البنك إلي تتعامل معاه لو حدثت او عدلت بياناتك يرسلك كود sms او على الايميل او اتصال للتأكد
لو كان sms او اتصال فقط فالرسالة على الايميل مزيفة وشخص يحاول تهكير جهازك عن طريق رابط

[ĆOBRA · Accepted solution]

مش ضروري يكون نفس البرنامج، الي حملته أمس .. ولكن قد يكون من أول الهاك شغال على جهازك، لربما دخلت رابط او أي شيء وبعد حماية الجهاز قدر يوصلك أمس خلك حريص ما تفتح خصوصا الرسائل اللي في الإيميل .. فيه بعض ايميلات ما تدري ايش مصدرها وفيه زر تحت في الأخير اسمه ألغاء الإشتراك ..الهاك يحط الرابط في هالزر، المستخدم العادي مسكين يحسب الغاء الاشتراك بيلغيه وماعاد تجيه ايميلات من نفس الشركة هذي .. والهاك اللعين حاط الرابط تبع التهكير فيه

[سلطان2024]

يبدو انه بريد إلكتروني مزيف ولكن كل شي مصمم صح.
رابط احتيالي وحاطه في تابع بنك الراجحي يعني حيله ذكيه الله يكفي شره.
حسيت كذا لاني رحت وشفت الرسالة في بريدي الإلكتروني.
والله نحتاج ننشر اي عملية تهكير هنا لمستخدمي سامسونج

[KhalidAA]

الحمدلله ان امورك في السليم
اغلب البنوك عندنا تتعامل مع الإيميل فقط لأرسال كشف الحساب .. لكن جميع العلمليات الهامة تتم عن طريق الاتصال او رسائل sms

[ĆOBRA · Accepted solution]

احرص حتى ازرار الغاء الاشتراك في الايميل ما تدخلها الا لو الموقع عارفه .. لانك لو ضغطت عليه راحت عليك غلطة.

[Abood_101]

خلك حريص ولا تحمل تطبيقات برى المتجر اغلب الروابط وهمية في قوقل

[Not56 · Accepted solution]

اولا
من محتوى موضوعك يظهر لنا بأن حسابك البنكي آمن

ثانيا
الم تجري انت شخصيا عملية التغيير او التوثيق أو التحديث لبريدك لدى البنك المعني فمن المحتمل احد الأشخاص يعرف بريدك ويقوم بذلك؟

ثالثا
تجنب فتح الرسائل الإلكترونيه التي غير معروفة لك أو لا تثق في مصدرها

رابعا
تغيير كلمة المرور ثم عدم حفظها في اي مكان آخر يعتبر شيء مهم

معلومة اخيره/ تطبيق بنك الراجحي يتيح لك خدمة الخروج من جميع الجلسات من خلال إعدادات التطبيق

[Jafarsd720]

نصيحتي لك تغير الباسوورد الخاص بحسابك البنكي ، و تحرص ان هذا الباسوورد ما تستعمله حق أي
حسابات ثانية.