هل تهكر حسابي البنكي؟

[سلطان2024]

امس بالليل صار لي شي غريب

وصلني إشعارات من البنك ان فيه طلب تغيير بريدي الإلكتروني ووصلني ٣ إشعارات مع ارقام تحقق؟ 

يعني فيه هكر اخترق حسابي البنك ويحاول يغير بريدي الإلكتروني. 

كلمت البنك ماحصلت عندهم حل الا إيقاف التطبيق لحسابي. 

رفضت ودخلت التطبيق ماحصلت اي جهاز دخل حسابي غير جهازي القديم كان اخر دخول له من سنتين. 

طيب وش تحليلكم هل الهكر دخل لحسابي من متصفح؟ 

كيف قدر يدخل الحساب بدون رساله تحقق على جوالي؟ . علما اني ماحدثت جوالي s22 + الا اليوم. 

وشكرا لكم 🤝 

[MohammedVip1 · Accepted solution]

قاعد يحاول يدخل مادخل لو دخل سحب فلوسك كلها
جوالك تحمل فيه برامج من برا المتجر او شي زي كذا او دخلت مواقع مشبوهه؟

[سلطان2024]

نعم امس حاولت أحمل تطبيق دنير حق تحديث متجر جوجل بلاي حملته من برا ولكن ماشتغل. شكله به فيروس. اتوقع.
اليوم فحصت فيروسات بجهازي ماحصلت. شي.

[MohammedVip1 · Accepted solution]

وارد جدا يكون هذا السبب، لو بمكانك فرمتت الجوال عشان لو فيه اي فايروس يطير وابدا بداية جديده بامان جديد ولا تحمل اي شي من برا المتجر الرسمي
وفيه بعض الفايروسات ممكن مايلقطها برنامج الحمايه

[سلطان2024]

والله فيروس قوي فحصت بnod32 وفحصت افاست وكلها ماصادت شي. تخيل. الفيروسات صارت متطوره تخوف

[MohammedVip1]

فعلا فيه فايروسات متطوره تتخطى الحمايه.
نصيحه فرمت الجوال ازين لك دام بعد التحميل صار فيه محاولات باختراق البنك معناته الفيروس لازال بجوالك
فرمته لايحول على ابشر ولا برنامج ثاني

[سلطان2024]

الفرمته ياخي متعبه تمسح كل شي حتى ارقام الاتصال صح.
انا حملت تطبيق حمايه

[lForEver]

حمل برنامج كاسبرسكاي و سوي فحص كامل مو فحص سريع

[سلطان2024]

ماحصلت كاسبر سكاي في متجر جوجل بلاي ولا متجر سامسونج؟ اعطني رابطه لو تكرمت

[lForEver]

معليش والله ما كنت ادري انه تم إزالة التطبيق من المتجر حتى انا ما حصلته تقدر تحمل دكتور ويب ارسلت لك صورة البرنامج برضو يفحص الجهاز كامل و اذا في فايروس يطلع صوت غريب