مشكلة Always on display مش عارف سببها ..

[Artist8]

إمبارح ، قررت أنى أعمل إعادة ضبط المصنع، مفيش سبب أنى أعمل كده غير أنى من ساعة ما نزلت أندرويد ١١ ، و معملتش إعادة ضبط المصنع، وبحكم إنه تحديث كبير ، و جالى بعدها تحديثين أو ثلاثة، منهم تحديث الواجهة و إلى كان كبير برده ، فقررت أنى أعمل كده من باب " تنضيف " الجهاز..

المهم بعد ما خلصت " تظبيط " إلى فاكره من الإعدادات ... سيبت التليفون شغال و خرجت من الأودة ، رجعت للتليفون عشان أتفاجئ بأن شاشته بتنور و بتطفى ورا بعض لوحدها ، تحديدا على Always on display مع حاله من غير ماجى جنبه .. و لما مسكته طلعلي رسالة أن الشاشة محمية من اللمس العرض... رمز القفل يعنى .. كأنى مسكته و هو فى جيبى .. أكيد أنتم فاهمين قصدى ...

طبعا لسه منزلتش أى تطبيقات على الجهاز عشان حد يقول ده virus ...

المهم قلت يمكن بيخرف ولا حاجة .. 

بعدها وصلته فى الشاحن ، عشان الاقيه بيعمل كده تانى ، و بحكم إن الأودة كانت ضلمة ، لاقيت السينسور إلى جنب الكاميرا بينور و بيطفى هو كمان .. 

المهم بشوية محاولات عرفت إن إلى عامل ده " إظهار رمز البصمة على Always on display " ، و إن الإختيار الوحيد إلى بيعالج الموضوع ده ، هو إنى أختار " أبدا " من الإختيارات التلاتة ( دائما / الإظهار عند النقر / أبدا ) 

 و بحكم أنى أصلا كنت مختار أبدا من أول ما أشتريت الجهاز ( كان شغال طبيعى الأول ) ، فمش عارف هل المشكلة دى ظهرت من أول أندرويد ١١ ولا من تحديث من التحديثات إلى جت بعد كده ، و مش عارف هل سامسونج ناوية تعالج المشكلة دى ولا هطنش، زى ما طنشت فى مشكلة software فى جهازى القديم ..

أنا عن نفسى مش فارق معايا الموضوع ده تحديدا ، لكن لو مأخدوش رد فعل فيه ، فعادى أنهم ميخدوش رد فعل فى مشاكل أهم من كده ..

فى النهاية هى مشكلة تأثر على إستخدام صاحب الجهاز بشكل سلبى .. حتى لو مش بتستخدمها، يكفى أنك تبقى عارف أن تليفونك فيه مشكلة و ملهاش حل ...

[Anonymous]

بس الموضوع ده مش عام
انت تليفونك اللي عمل كده ابه
انا جربتها دلوقتي عشان ارد عليك بما اني مش بستخدم ال
Always on display اصلآ
التليفون طبيعي علي الاختيارين
دائمآ و الاظهار عند النقر مع البصمه

[Artist8]

S10 lite ..

[Anonymous]

غريبه الحكاية دي
حاول تدور علي حد معاه نفس التليفون
وشوف عنده ايه
احتمال زي ما بتقول حاجه في السوفت

[Artist8]

المشكلة أنى مقبلتش حد معه الجهاز ده أصلا ...

[Artist8]

أنا جربت حاجة أنا كمان دلوقت ..
أكتشفت أن المشكلة دى بتحصل لو رمز البصمة و Always on display " مفعلين" هما الاتنين، يعنى لو حاجة واحدة فيهم شغالة مبيبقاش فى المشكلة دى ..

[Anonymous]

ما هو ده اللي انا جربته
مش بقولك مع البصمه

[Artist8]

لأ أنا فى حاجة كمان أنا أفتكرتها ... إنى فالبا كنت عاملها بتظهر عند النقر فعلا ، بس لأنى مش بستم البصمة و الشاشة مافية إلا نادر نفسيتي الموضوع ده ..
و ده معناه أنها كانت شغالة عادى قبل إعادة ضبط المصنع 🤨 .. وى حاجة غريبة جدا

[Anonymous]

انا اول مره اشوف ضبط مصنع يبوز حاجه
او يخليها للاسواء

[Artist8]

و الله زيك برده🙂