انا عندي مشكلة لو حاولت اشوف فيلم او فيديو طويل على الموبايل S24ultra الشاشة بتقفل حتى بعد ما ظبط الاعدادات كلها و keep screen on while viewing وبردو بتقفل لوحدها .... هل في حد حصله المشكلة دي وحلها؟
الموبايل بيعتمد على الكاميرا الأمامية إنه يرصد إن في وش بيبص على الشاشة علشان ميطفهاش، لكن لو الإضاءة ضعيفة أو انت مش باصص مباشر للشاشة، أو بتتفرج وإنت في وضع أفقي، بيتهيأ له إن مفيش حد بيبص وبالتالي يطفي.
وكمان، فيه bug معروف بعد التحديثات الجديدة، إن الخاصية دي مش بتشتغل زي زمان، وخصوصًا في الوضع الأفقي (landscape mode).
روح على: الإعدادات > الميزات المتقدمة > الحركات والإيماءات > إبقاء الشاشة قيد التشغيل أثناء النظر واتأكد إنها شغالة (حتى لو شغالة، اقفلها وافتحها تاني). بعدين: الإعدادات > الشاشة > مهلة الشاشة (Screen timeout) وخليها مثلًا على 10 دقايق أو أكتر.
