انا عن نفسي حقول شكرا ان الابديت اتاخر

[ShadyHeikal]

انا عن نفسي حقول شكرا لسامسونج انها اخرت التحديث الناس مدايقه فعلا انو منزلش مبالك لو نزل التحديث وطلعلك فيه مشكله كنت حتعمل انته ايه، لما سامسونج تسحب الابديت قبل ما ينزل دي خطوه جريئه لان هي عارفه رد فعل الناس حيكون ايه لو نزل وحصل مشكله، انا معاك ان في 6 بيتا اتعملو وكمان يظهر مشكله صح معاك حق بس لو بصتلها زي ما ابل بتعمل بتنزلك التحديث في معادو بعد ما تكون فشختو بيتا بس لما بينزل بيحصل ايه ياما البطاريه بتكون ضايعه ياما حراره وشويه مشاكل ملهاش لزمه فحيعملك ايه حيفضل ينزلك في ابديت حتى بدون اعتزار لغايد بعد ست شهور لغايد لما تستقر النسخه ياجماعه سامسونج مش شركة فاتحه في اول الشارع ولا تحت السلم عشان تتعامل بالاستخفاف ده مع العملاء بتوعها هي اصلا موصلتش مرحلة الفجر و العظمة والغرور بتاعت ابل الي هي اصلا مبتعبرش حد لو حصل مشكله فعادي يمين شمال الابديت حينزل وكل الي بيتزمر انو منزلش هو عايزو ينزل عشان يغير في شكل الواجهه وخلاص مش عارف اصلا الميزات التانيه او الخفايا في الابديت فكبرو دماغكو شويه وهو اصلا موبايلك شغاله تمام انا معايا اس 24 الترا ومن يوم ما اشتريتو في اول يوم نزل السوق مشتكتش من النظام ولا مشكله في الواجهه وده يدل على ان النظام مستقر وممتاز .

على فكره انا كنت مستخدم ايفون لسنين طويله جدا وكنت مقتنع بابل ولاكن مع متابعتي للمشاكل الي بتحصل في النسخ الي بتنزل وبقت قاعده عندهم اول ست شهور من النظام مشاكل وتفضل تاخد ابديت و تاني 6 شهور من السنه النسخه تستقر ده غير انها مبقتش تقدم جديد وغير كمان موضوع الالوان و موضوع المقاطعه ومن لما غيرت وقررت اني انقل كان من اس 23 الترا وبعديها 24 الترا ومش معنى كلامي اني مع او ضد الشركتين انا في الاول وفي الاخر بجيب الحاجه الي اكون مبسوط معاها ومرتاح وملبي طلباتي مش عشان شايل البراند ده وخلاص منظره.

انا مش متحيز لاي شركه زي ما قلت انا في الاول والاخر بستخدم الي يتناسب مع شخصيتي ورغباتي وبعد سنين اكتشفت ان سامسونج هي الي موفره دة مع اني جربت حاجات كتير 

وبالتوفيق للجميع ومفيش داعي تشتم وتاخد ذنوب على الفاضي في حاجه عبيطه زي دي في حاجات تانيه في حيتنا نركز فيها اهم من الابديت وربنا يوفقكو جميعا 

[Marwa111]

حقيقي👏🤍

[Anonymous]

فعلا
هالناس مكبره الموضوع بطريقه مش عادي كان الموبيلات باظت ومستنين التحديث يشغلها😅😅

[kha22lee]

الله ينور عليك 👏

[Desperado99]

ابل مفيش عندها مشاكل ف النسخه ولا استقرارها ولو نسخه صدرت فيها مشكله بيتبعها تصحيح مش بتأجلها وترفعها زي ما سامسونج عملت

[ShadyHeikal]

مش لما ترفعها قبل ما تنزل وتعمل مشاكل معاك حسن من ان الابديت ينزلك وتفضل حاطط ايدك على خدك مستني تحسين ابديت جديد يحل المشكله سعتها انتي مش حتبقى طايق نفسك ولا طايق الموبيل ولا الشركه ولا حيبقى عندك صبر انك زي منته مستني دلوقتي وبعدين يا صديقي صلي على النبي دنا في مره ابل نزلت ابديت مش فاكر كان انهي نسخه كرهني في عشتي وخلاني بعد كام يوم بعت التلفون

[Desperado99]

ماهي سامسونج رفعت التحديث ( المتأخر( ٦ شهور ورفعته

[ShadyHeikal]

بص من نحيه انها متاخره انا معاك متاخره وده بسببين اولا عشان متضربش الدنيا لو الابديت نزل يبوظ الموبيل وثانيا وهو سبب تسويقي بحت عشان تبيع اس 25 وخد بالك انته من اول اس 22 لغايد دلوقتي مفيش فروقات جوهريه بين التلفونات فاكيد الاس 25 الفرق بينو وبين اس 25 لا يذكر فده يخليها تخلي العجله تمشي وتبيع التلفون وانا في راي اس 24 هو افضل تلفون سامسونج عملتو وهي سياسات شركه بيع وشرا😂

[ramy_nabil]

👏كان نفسى أقول كده
ده تفكير بره الصندوق

[TAHAITA]

احسنت