مشكلة الشاحن

[mfalawks]

من فضلكم انا جايب تليفون ساسمونج جالاكسي إس 10 لايت 

من حوالي ٤ شهور و مرة واحدة فصل النهاردة الشاحن خالص فصل تماما و اضطريت اشحن بشاحن تاني بس جربت تاني بالليل الشاحن اشتغل ٣ دقايق و فصل تاني بردو فعايز اعرف دة مشكلة في الفون و للا الشاحن مع العلم التليفون شحن بالشاحن الثاني عادي جدا و الشاحن اللي فصل دة اللي جي مع التليفون و لو المشكلة في الشاحن فهل الشاحن بيكون عليه ضمان زي الفون و للا اشتري شاحن تاني سامسونج و خلاص 

شكراً

[Kareeeeem]

مفيش شاحن عليه ضمان و بما انك بتقول هو شحن فعلاً من شاحن تاني يبقي العيب في الشاحن الأساسي لكن برده حاول تغير سلك الشاحن لأنه ساعات بيكون العيب فيه مش في الشاحن نفسه.
و ان هتجيب شاحن فاتاكد انه نفس الفولت و الأمبير و انه اصلي عشان مش يأثر علي البطارية لا قدر الله.

[mfalawks]

شكراً جزيلاً لحضرتك يا فندم

[IME2020]

بس هو عامتا ازاي فون زي دا شاحن بتاعه يبوظ بعد ٤شهور بس دنا لو جبت اي شركه تاني مش هيحصل كدا

[mfalawks]

ما هي دي الفكرة بقي علشان كدة سألت لأنها غريبة جداً يعني مع العلم إني بوصل التليفون في الشاحن مرة واحدة في اليوم و بفصل الشاحن من الكهرباء بعد ما بخلص فصعب يكون ضرب لأي سبب يعني و حرام إني أشتري شاحن ب ٦٠٠ جنية تقريبا و للا ٥٠٠ حتي بس هو نصيب الحمد لله يعني

[IME2020]

ان شاءلله ربنا يعوضك بحاجه افضل من كدا هو سؤال بس انت مشتري فون دا من مصر ولا بره

[mfalawks]

من مصر من دريم 2000

[Artist8]

جرب تنظف مكان الشحن سواء فى الجهاز أو فى رأس الشاحن نفسه و نظف أطراف الكابل من الناحيتين و جرب تانى ...
لو المشكلة فضلت موجودة ، يبقى الشاحن نفسه فيه مشكلة

[mfalawks]

عملت كدة بالفعل و الشاحن بيشتغل دقيقة واحدة و بيفصل بردو

[Artist8]

لو جربت شواحن تانية و إشتغلت مع تليفونك عادى ، و أنت منضف الكابل و مدخل ال USB ، يبقى العيب يا إما فى الشاحن بتاعك يا إما فى الكابل
جرب تغير الكابل مع نفس رأس الشاحن ، و لو فضلت المشكلة موجودة يبقى أنت كده محتاج شاحن جديد