a70

[dooA70]

هو علي كده الفون مش هيجيله تحديثات خالص ولا ايه وايه البديل

[Anonymous]

انا عارف انكم زهقتوا وجايبين اخركم
واي تليفون مكانكم اصحابه هيعملوا كده برده
بس مش ممكن ملوش تاني تحديثات دي
تم الاعلان من سامسونج رسميآ ان ليه اندرويد ١١ وماحصلش قبل كده انه تم تغيير اعلان زي ده
او رجعوا في كلامهم بعني
اعتقد انك تستني افضل بكتير من تغير روم لبلد تانيه وبالذات ان مفيش مشكله بتعوق عمل الهاتف ومستنيين حلها بتحديث الدنيا ماشيه
يعني
الصبر يا صاحبي 😷

[dooA70]

عندك حق بس بردو اشمعنا الروم المصري ما نزلهوش one ui 2.5

[Anonymous]

بص هو ١٠٠% في مشكله بس هي ايه محدش عارف وصعب التخمين حتي
بس مش مصر بس في دول تانيه منزلهاش

[dooA70]

يمكن

[M00Dy]

اقولك هو لو فيه مشكله مكانوش نزلو اي تحديثان مبنيه ع نفس الواجهه تاني حتى لو تحديثات امنيه زي ماحصل قبل كده مع واجهة 2.0

[Anonymous]

طيب همشي معاك في رأيك
طب ليه مأخرين كده ٢.٥ ؟

[M00Dy]

ده بقا لا يعرفه الا ربنا وشركة سامسونج اللي لو نويت اشتري منها تاني هيبقا فلاج شيب وبس 😁

[Anonymous]

مش متفق معاك في دي
الاهتمام مش بس بالفلاج شيب في سامسونج لان لو الفئة المتوسطه وقعت منها سامسونج هتقع من الماركت ومش هتنافس وهما فاهمين كده كويس
اكتر تليفون اتباع من تليفونات سامسونج في ٢٠٢٠ هو ال ايه ٥١
وبرده لاحظ كل سنة يطلع ٧واو ٨ موديلات فئة متوسطه وفئه متوسطه عليا قصاد ١ او ٢ فلاج شيب

[M00Dy]

عدم الاهتمام بالتحديثات الدوريه ف حين ان الشركات التانيه تلفوناتها وصلها التحديثات ووصلها الاندرويد الجديد الايام دي بدون ذكر اسماذ هيخسر الشركه كتير