Samsung A24

[FareedSharef]

اتمني من سامسونج في التحديث القادم ترجع ميزة حماية البطاريه عند ٨٥ كانت عمليه اكثر 

إن انا كده يعتبر بسيب التلفون علي الشاحن وبيوصل ١٠٠% 

ويبقي بضر البطارية انا عارف إن البطاريه لها عمر افتراضي معين لكن أود أن احافظ عليها ف اتمني إن يرجعوا خيار حماية البطارية القديم يا إما يخلي الحد الاقصي ٩٠% مثلا ده هيكون كويس 

ولا اي رايكم ؟

[FaresMohamedKelany]

الميزة شغالة جرب
الضبط ثم البطارية ثم حماية البطارية ثم الحد الأقصى

[FareedSharef]

انا عارف بس بقيت 80% بس ومع الاستخدام يعتبر التلفون هشحن مرتين في اليوم
انا قصدي لو الميزة ترجع او يخلوا الحد الاقصي مثلا 90%هيبقي كويس

[FaresMohamedKelany]

بالعكس 80% دي بتحافظ على البطارية أكتر

[FareedSharef]

بس مع الجو الشحن ببخلص

[FaresMohamedKelany]

ده شيئ طبيعي على حسب إستخدامك

[FareedSharef]

كا استعمال يومي وألعاب اي رايك ؟
وهل السماعات عاليه فعلا ولا عادي مفيش فرق شاسع
وايه رايك بمعدل تحديث الشاشه ١٢٠ هرتز
كويس ولا حضرتك مش مفعله عشان البطاريه

[FaresMohamedKelany]

كا إستعمال يومي و العاب ممتاز وحيدك أداء ممتاز في الألعاب هو حاليا بيدعم 40 فريم في ببجي لاكن هو بيشغل 60 فريم المفروض لاكن اللعبة لسة مدعمتش المعالج فحينزل تحديث لللعبة عشان يدعم 60 فريم وباقي الألعاب زي فري فاير حيشغل الجرافيك على أعلي حاجة
بالنسبة لمعدل تحديث الشاشة أنا مخليه 120 هرتز من أول ما جبته ومش ملاحظ أي إستهلاك عالي في البطارية وطبعا السماعة ممتازة لإنها إستريو يعني سماعة العادية وسماعة المكالمات شغالين مع بعض و في فرق شاسع في تجربة الصوت وأنصحك بيه وبشدة كمان وخلي بالك الموبايل بياجي معاه شاحن سامسونج 25 واط الأصلي هدية مجانية لو حتجيبه من التوكيل وهو سعره 10900 جنيه

[FareedSharef]

حضرتك بيدعم ففط 30 فريم
وكان أيضا في في هاتف A23
المفروض يدعم 40فريم لكن كان بيدعم 30 والشركة مدعمتش حاجه اعتقد إن مفيش تحديث هينزل
انا معايا حاليا A24
لكن انا مش شايف تغير كبير يستاهل لأن المعالج إكسينز وانا مش بحب المعالجات دي عشان مش حلوه خالص يعني حضرتك لو كنت اشتريت A34
كان هيبقي أفضل منه بمراحل وانا شايف إنه يستاهل احسن وكمان بيدعم تطبيقات سامسونج وضد الماء والغبار وبمعالج قوي وسعره مقارب لسعر A25
فا الافضل A34
ولا اي رأي حضرتك ؟

[FaresMohamedKelany]

A23 هو نازل من الشركة إنه بيدعم 30 فريم فقط ولو جربت عليه فري فاير حتلاقيها شغالة علي جرافيك متوسط لاكن A25 5G نازل من الشركة بيدعم 60 فريم ولو جربت عليه فري فاير حتلاقيه بيدعم جرافيك أعلي حاجة زي سامسونج S24 لما نزل تحديث لببجي وخلاه يدعم 120 فريم
بالعكس في تغير في حاجات كتير زي السماعة إستريوا ومعدل تحديث الشاشة والمعالج ده غير إن في مميزات في السوفت وير وحاجات تانية كتير لاكن A34 لا يستحق الصراحة الفرق بس في المعالج و شكل الشاشة و مقاومة المياه وطبعا الواحد مستحيل ينزل بالموبايل في المياه أو يعرضه حتي لقطرات من الماء ده غير إن A34 مش بيدعم مدخل سماعة 3.5 مل وكمان هو نازل بأندرويد 13 وبيدعم تحديثات نظام لمده أربع سنين يعني لحاد أندرويد 17 لاكن سامسونج A25 5G نازل بأندرويد 14 وبيدعم تحديثات نظام لمده أربع سنين يعني بيدعم لحاد أندرويد 18