Fast Charging

[AhmedKamel1]

حد بيحصل معاه انه بيحط الموبايل فى الشاحن بيديله 

شحن عادى 

او cable charging 

مش شحن سريع 

Fast charging 

مع ان الكابل والشاحن اصليين بتوع الفون نفسه

ولازم يشيل الشاحن ويحطه تانى كذا مرة سواء من الحيطة او من الفون نفسه 

بالذات بدأت تتكرر بعد التحديث

انا زهقت من المشكلة دى لدرجة حالا كنت هكسر الفون بسبب دا 

حد عنده نفس المشكلة ؟! 

تعديل

الفون بقاله ٧ شهور معايا 

ولما بخلع اى حاجة واحطها تانى بيظبط سواء راس الشاحن او الكابل من الفون نفسه 

ولما برستر الفون بيظبط

فدا مش مخلينى احدد المشكلة في الراس ولا الكابل ولا فى سوفت الفون يمكن عشان التحديث

لدرجة انى شكيت فى تيار البيت والفولت وقيستهم ومظبوطين 

قلت بسبب حساسية الشحن السريع وضغط الكهرباء والتكييف

[Mashaal96]

ممكن المشكله من الكابل لو معاك الفون من فتره كبيره أو لو رسترت الفون مش هتلاقى حاجه

[AhmedKamel1]

الفون بقاله ٧ شهور
ايوا لما برستر بيظبط
بس دلوقتى مش عارف احدد فين المشكلة لانى لما بخلع حاجة وبركبها بيظبط سواء الراس من الحيطة او الكابل من الفون
لدرجة انى شكيت فى الفولت بتاع تيار البيت نفسه قولت يمكن الفون حساس عشان شحن سريع وضغط الصيف والتكييف وكدا
مش عارف الحل ايه

[Mashaal96]

الحوار دا حصل معايا بعد ٩ شهور الفون كنت بحافظ عليه والشاحن والفون جدا بس فى الاخر طلعت المشكله من الوصله غيرتها وجبت وصله كويسه والحمد لله دلوقت شغاله تمام ومفيش رسائل تحذيريه . حاول مس تسيب الشاحن بالكهرباء أو يبقى فيه ضغط على الفون علشان تمد عمر الشاحن وبطاريه الفون

[AhmedKamel1]

انا فعلا بسيب الشاحن ف الفيشة هشيله بعد كده
للاسف عشان فترة الحظر فالفون علطول فى ايدى العاب والكلام دا حتى الدراسة وقفة

[MARO11]

حضرتك دي مش مشكلة دة طبيعي لو انت اندرويد ١٠ هما ضافوا الميزة دي ان حضرتك لما تيجي تشحن والجهاز يكون ساخن بيشحن شحن عادي ولو حضرتك سيبته لما يبرد هتلاقيه قلب من نفسه للشحن السريع دة بيحصل لما تتك زيادة عليه فهو من نفسه بيعمل كدة لحد ما يبرد ويرجع عادي

[AhmedKamel1]

دا كلام اكيد يعنى ؟
ياريت يكون كده
هو فعلا بيبقى سخن من الاستخدام
ولاحظت انى لما بحطه وهو بارد ع الشحن بيظبط علطول

[Elzawahry]

ياريت يكون كلامك مظبوط انت يعاني م الموضوع ده بس علشان ضغط الشغل ع الموبايل

[MARO11]

الموضوع دة ظهر بعد اندرويد ١٠ مع كل الناس شوف حضرتك بنفسك وانت هتعرف ودي حاجة كويسة مش وحشة

[MARO11]

مش عيب كابل ولا حاجة