التحديث منزلش فى كل الدول و لا حاجة ده لسه نازل من ٦ ايام فى عدد محدود من الدول منهم الهند و الامارات و بولندا و الكلام ده كلام مواقع عالمية مش مصرية ... صبرا ... التحديثات بتاعة سامسونج عموما بتتاخر تقريبا نزولها مصر فى حدود شهر بعد نزولها فى الخارج و ده احنا اتعودنا عليه خلاص انتظر لاخر الشهر أو اول الشهر إللى جاى هيجيلك التحديث ... و بعد كده بقى نلاقى التحديث بيعمل مشاكل فى التليفون و نقول ياريتنا ما نزلنا التحديث اصل سامسونج دى شركة كذا و كذا ... ماشى تمام كده .. فالصبر طيب زى ما بيقولوا ... على فكرة انا معايا a71 و منتظر التحديث جدا ... بس لازم نصبر .. لاننا احنا إللى روحنا و اشترينا جهاز سامسونج مش هما إللى اجبرونا عليه احنا عارفين سياستهم كدا من زمان لازم نتحمل .. و اسف على الاطالة و متزعلش من كلامى
اولا مش زعلان ولا حاجة احنا كلنا اخوات ثانيا اللي مضايقني ان من شهر ٢ و التحديثات بتنزل كل شهر ف الميعاد مظبوط الا الشهر اللي فات كانت يوم ١٢ بدل من اول الشهر و اللي ضايقني اكتر ان تليفون زي شاومي نوت ١٠ لايت الشهر اللي فات نزله التحديث الامني بتاع شهر ٦ في حين اننا لسة شهر ابريل الموبايل ف المجمل الحمدلله كويس جدا بس ساعات بحس بسوء ادارة ف نقطة التحديثات من الشركة و شكرا على ذوقك
بس هو مش موضوع بطئ من الشركه ولا حاجه في حاجه بس لازم تفهمها ال a71 غير الموبايلات التانيه لانه بيجي بمعالج سناب دراجون وباقي الموبايلات جايه يمعالج ايكسينوس اللي هي الشركه اللي مصنعاه فسهل بالنسبهاله انما هي بتتاخر هنا عشان تتاكد ان كل حاجه متوافقه مع المعالج ده فاهم مش موضوع ده اغلي وده ارخص
