A34

[eyad_diab1]

هل لو عملت ضبط مصنع وعمل استعاده النسخه الاحتياطيه هيسحب نت تاني ولا لا

وهل تطبيقات النظام هتتحدث تاني

[thestriker7680]

النسخة الاحتياطية اللي بتعملها دي بترفعها على ال cloud
ولما بتستعيدها بتنزلها من ال cloud
فأيوه هيستهلك نت لما تعمل نسخة ولما تستعيد النسخة

تطبيقات النظام اللي كانت متحدثة لما نزلت التحديث هتفضل متحدثة لما اللي طلب منك تحدثها من ال Galaxy store
هتضطر انك تحدثها مرة تانية
ده إلى جانب البرامج اللي هتنزلها مرة تانية لما تعمل ضبط مصنع زي الواتس ، الفيسبوك، ....

[eyad_diab1]

ولا عامل ضبط ولا ظبط خلي الموبيل بايظ ده انا عشان اعمل ضبط هخلص النت 😂 ده انا هعمل حجات يعملو 80جيجا او100

[eyad_diab1]

المشكله العندي الحراره وبسببها مره cpu رفع راح رستر مره واحده ومره اتجمد بس مره واحده ومحصلتش تاني

[thestriker7680]

كتير من الموبايلات اللي بتعاني من مشاكل التحديث كانوا الفئة المتوسطة والاقتصادية
المشكلة أن سامسونج مراعتش ضعف المعالجات في الموبايلات اللي هي حاطاها فالموبايل بقى تقيل في الاستخدام

هم شالوا التحديث من السيرفر ل A34
عشان اكتشفوا فيه أخطاء وهينزلوا تحديث لاحق يصلح الأخطاء دي
فإن شاء الله تتحل المشاكل اللي بتواجها لما ينزل التحديث

[eyad_diab1]

طب اعمل ايه في الحراره مش عارف اعمل اي حاجه بسببها

[thestriker7680]

المشكلة أن التحديث جه في الصيف ولسه الجو هيحرر أكتر
ولكن بشكل عام انت ممكن تفعل وضع توفير الطاقة واتأكد انك مفعل حد سرعة المعالج ولكن ده ممكن يؤدي إلي بطء في الجهاز ولكن جرب بردو
حاول تحط البرامج اللي انت مش عايزها تشتغل في الخلفية في النوم العميق هتلاقيها بردو في قسم البطارية ولكنك مش هتستلم اشعارات من البرنامج الا لما تفتحه

امسح الملفات المؤقتة اللي عادة مش ضار ولكنها احيانا ممكن تسبب مشكلة عن طريق:
١. اعمل للموبايل ايقاف تشغيل

٢. وصل الموبايل بكمبيوتر بسلك

٣. اضغط زر رفع الصوت + زر التشغيل حتى يظهر شعار سامسونج.

٤. هلاقي خيارات ظهرتلك

٥. استخدم زر خفض الصوت عشان تنزل لحد خيار (wipe cache partition)

**خد بالك ومتضغطش على زر
wipe all data
لأن ده هيمسح جميع يياناتك**

٦. اضغط عليه بزر الباور

٧. انزل بزر خفض الصوت واضغط بزر الباور yes

٨. سيبوا يخلص بعد كده استخدم زر رفع الصوت عشان تطلع فوق وتضغط على reboot system now

ممكن تتفرج على فيديو بردو تشوف ازاي بتتعمل

[eyad_diab1]

مش معيت كمبيوتر 🙂

[thestriker7680]

انت ممكن تجرب بدون كمبيوتر لاني شفت ناس بتقدر تعملها ولكن سامسونج قفلت انك تعمل wipe cache partition
الا وانت متوصل بالكمبيوتر وانا منفعتش معايا الا بكمبيوتر

[eyad_diab1]

بس يسطا هي هي الضبط مصنع وكمان انا مش بفهم اوي في سوفتوير سامسونج الصراحه