ممكن اعرف اللى عملين روت للتليفون ممكن اعرف المزايا بتعتوا

[Ahmed898]

A50

[Anonymous]

العيوب هتخسر حماية نوكس و بالتالي برامج كتير مش هتشتغل تاني خالص و للاسف مش بتتحل الا بتغيير البورده
البرامج الي مش هتشتغل
Samsung pass
Security folder
Samsung helthy

[Ahmed898]

شكرا جدا كنت ناوى اعملوا بس انا بحتاج كل التطبيقات دى ف لا مش هعملوا

[Anonymous]

انا كنت بعمل الروت ده على الأجهزة القديمة عليها أندرويد ٤ عشان ينزل عليها أندرويد ٦ او ٧ دلوقتي الحمدلله الاجهزة بقي عليها اندرويد ١١ فا مش مستهله

[Ahmed898]

طب هو انا تليفولى اخروا اندرويد 11ف انا عايز انزل اندرويد12 علشان حسنوا بعض الحاجات ف التليفون ف هل دا هيضر التليفون

[Anonymous]

الجهاز الي معاك أخره أندرويد ١١ عاوز تنزل أندرويد ١٢ بيبقى من مواقع تانية ممكن بيبقى اندرويد خام او نسخة معدله من one ui 4.1 ده زي ما بأقولك من أشخاص بيطوره ووبيعدلوا منه .
بس الاشخاص دول مش مضمونين بالنسبة للإختراق الهاتف مش زي الشركة المصنعة للأجهزة .
و بعدين هتشوف كمية أخطاء هتكره الجهاز و وقتها هتحب ترجع للأندرويد الاصلي بتاع الجهاز بس للأسف هتلاقي نفسك خسرت الحماية بتاع الجهاز

[Anonymous]

االمميزات انك بتغيير السوفتويير بسهولة جدا و بتغير الرومات لجهازك و بتتحكم في ملفات النظام من غيير قيود او بمعنى ادق بتتحكم في جهازك بصورة اكبر

[Anonymous]

من الاخر الرووت ده هيخسرك جهازك

[Amira-elnagar]

Ahmed898

صباح الخير يا فندم مع حضرتك اميرة من سامسونج مصر
بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك بنعتذرلك سامسونج مش بتدعم روت او روم 

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك