شاحن سامسونج ٢٥ وات

[abdoaly]

سلام عليكم 

انا اشتريت شاحن سامسونج ٢٥ وات من التوكيل ب ٦٠٠ جنيه ، وجيت اجرب بيه اول شحنه ، لقيته شحن البطارية في ساعتين وتلت ، هل ده طبيعي في أول شحنه ، مع العلم ان الشاحن ال ١٥ وات بتاع الجهاز كان بيشحنه بالكامل في ساعة وأربعين دقيقة يعني اقل ، حد عنده تجربة ولا اروح ارجع الشاحن .

[abdoaly]

تقريبا ساعة و ١٠ دقايق

[bebasheo]

يا جماعه a73 بيشحن في قد ايه

[محمود_فرج]

جرب شاحن غيره الاول وجرب كابل غيره على نفس الراس. بس الغريبة انه كتب شحن سريع .راقب الحرارة اثناء الشحن وممكن لما تشحنه تاني تلاقيه ظبط

[mohamedyehya]

اتأكد إن انيميشن الدائره اللي في نص الشاشه لونه ازرق لما تشحن الموبايل

[samsungmena]

abdoaly

مساء الخير يا فندم مع حضرتك ندى من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك

برجاء العلم ان فترة شحن الجهاز راجعة الى الاستهلاك  و  لا  يوجد    وقت  محدد    للشحن  

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[bebasheo]

طيب معلش سؤال هو ينفع اشحن الموبايل سامسونج a73 من شاحن اوبو ٢٠ وات شاحن اصلي

[Samah-Ahmed]

مساء الخير يا فندم مع حضرتك سماح من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك

برجاء العلم ان يفضل ان يتم شحن الجهاز بالشاحن الاصلى للحفاظ على الجهاز 

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[bebasheo]

يعني حضرتك المفروض اني اروح اشترى شاحن بي ٦٠٠ج غير أن الموبايل بى ١١ الف ومش معاه شاحن ولا هاند فرى