الأجهزة دية بتتقدم بأسعار رخيصة أقل اسعار عند سامسونج بس طبعا انت هنا بتاخد حاجة مش موجودة فى اى شركة ثانية وهيا التحديثات وهيا غالبا بتبقا سنة أو أثنين ب الكتير اوى وده كويس جدا فى الفئة دية
الموبايلات دية مش موجهة للمستخدم الثقيل هى مجرد بتعمل المكالمات مع التصفح الخفيف
الأجهزة دية الوحيدة اللى بتنزل بواجهة one ui core
وهيا واجهة مخففة من ال one ui
ولو تقدر تزود وتطلع للفئة اللى بعديها يكون أحسن.
٢- ×A1 فئة أقتصادية مثل A16, A15 ,A14
الفئة دية حصل فيها تطورات جامدة اوى الفترة اللى فاتت بالذات فى الA15 انا شايف ان الجهاز ده قيمة مقابل سعر انت هنا ابتديت تدخل فى جهاز كويس جدا أداء جيد بواجهة one ui كاملة وتحديثات أكثر بكتير
أجهزة كويسة جدا بغض النظر عن اى عيوب صنع حصلت فى البعض من ال A15
قيمة مقابل سعر واحسن بكثير من الفئة اللى قبلها.
٣-الفئة المتوسطة ×A2 و ×A3 مثل A24, A34
هنا بقا انت بتاخد توليفة حلوة يتجمع بين أداء حلو وشاشات جميلة وصوت أستيرو ملحوظة : موجود من اول ال A25
الأجهزة دية جميلة جدا وبتعيش وليك فى الأجهزة دية ٤ سنين تحديثات أندرويد و ٥ سنين تحديثات أمنية وده جميل جدا وصدقني عمرك ما هتحس ان التليفون قدم
وطبعا فى الفئة دى الأداء احسن من الفئة اللى قبليها.
٤-الفئة المتوسطة العليا ×A5 مثل ال,A55,A54, A53
هنا بقا ليفل الوحش سقف الفئة المتوسطة فى سامسونج اللى هو بعديك فئة ال S
الأجهزة دية واخدة ريحة الفلاجشيب جدا ب الأخص ال A55 و A54 بتاخد فيهم خامات أحسن بكثير شاشات بتصميم عصرى كاميرات حلو جدا تنافس اى تليفون فى الفئة دية وتكسب كمان صوت أستريو جميل جدا جدا عن تجربة وأداء حلو جدا
وماتور vibration linear زى اللى فى فئة الs اللى بيدى نقرات و haptic feedback حلو جدا
مع معالجات exynos من سامسونج معالجات حلوة بس عيبها انها بتوصل لدرجات حرارة أعلى من اى معالج تانى.
٥- فئة قاتل الفلاجشيب S××FE مثل S24 FE , S23 FE
هنا بقا انت بتاخد معالج قوى جدا وغالبا بيبقا معالج الفلاجيشيب بتاع السنة اللى فاتت وتجربة تصوير حلوة جدا بس انت وأخد نفس ديزاين شاشات الفئة المتوسطة الحواف أتخن شوية وتبريد فئة متوسطة على معالج فلاجشيب فا طبعا الأجهزة دية بتسخن عن الفلاجشيب
وبطارية مش أحسن حاجة
وكمان سعات سعر الأجهزة دية بيوصل لفلاجشيب السنة اللى فاتت جديد ف فى الحالة دية تروح طبعا ل فلاجشيب السنة اللى فاتت.
٦-فئة الفلاجشيب ××S مثل S24, S25
الأجهزة دية جامدة جدا ب معنى الكلمة وبتقدم أداء جباار
و ٧ سنين من تحديثات الأندرويد انت شايل كمبيوتر فى جيبك مش موبايل ب الأخص فئة ال Ultra غالبا عيب الأجهزة دى السعر بتاعها مرتفع جدا وسعات كتير بتبقا مش قيمة مقابل سعر ب الأخص فى مصر.
وكدة دى كل أجهزة سامسونج حاليا والأجهزة دى كلها ٩٠% منها بتستخدم نفس الشاحن 25 وات بتاع سامسونج
وكل الأجهزة مش بيجى معاها شاحن وده عيب قاتل ب الأخص فى الفئة الاقتصادية.
مساء الخير يا فندم مع حضرتك اية من سامسونج مصر بنشكرك جدا على طرح سؤالك وبنتمنى لحضرتك يوم سعيد برجاء توضيح استفسارك بشكل أكبر للتمكن من كامل الدعم و المساعددة ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
