ظهر مشكلة مع موبايلي ال m30s ؛ عيب بطئ الشحن و كان بيشحن في 7 او 8 ساعات ! الحمد لله مؤخرا خِلصت مِن مُوبايلي و خدت فلوسي وبتعامل مع شركة تانية حاليا بعد 3 شهور قرف مع سامسونج ! لكن انا لسه متابع جروب مستخدمين ال M30s وال M31 و شايف أد ايه نفس الشكوي بتاعتي ديه متكررة جدا جدا مع كذا حد !! وبصراحة مش فاهم فكرة الاعتمادية و الثقة اللي كنت بسمع عنها لسامسونج ديه ايه وفين مصدرها؛ لما مشكلة تكون متكررة بالشكل ده. انا من خلال كام بوست بس كتبتهم عالجروب جمعت بيانات 40 شخص او اكتر عندهم نفس العيب لنفس الموديل من خلال جروب مش مكمل 9000 شخص اقل من نُصهم هم اللي بيستخدمو الموبايل ومش الكل شاف كلامي او سمع شكوتي و مش كل الناس هتتضرر من المشكلة ديه اصلا. يعني بحسبة عشوائية جدا كل 100 موبايل طلع فيهم عالاقل موبايل او اتنين فيهم العيب ده !! ومن وجهة نظر الجودة؛ الكلام ده كارثة بكل المعايير حتي لو المُنتجات المعيوبة امر محتوم في اي عملية تصنيع؛ لكن من اّليات الجودة الأكثر انتشارا اللي بيتم تطبيقها في شتي الصناعات خصوصا الصناعات التكنولوجيه المتقدمة ذي الموبايلات من جانب شركات كبري كتير؛ بتقلل عدد المنتجات المعيوبة ل 3 منتجات او اتنين كل مليون قطعة ! فلما مُنتج يطلع منه كمية شكاوي بالشكل ده و حتي الشركة متلتفتش التفاته تليق بحجم الكارثة؛ يبقي بتهدد اسمها وسمعتها و بتخسر عملاء كانت ثقتهم فيها كبيرة؛ ده أضعف الايمان أن يتم اخطار كافة الفروع في جميع الأنحاء بالعيب و كيفية التعامل معاه؛ أنا كُل شوية حد يكلمني أنه راح فرع والفرع مش مستوعب ان فيه عيب اصلا؛ وده للاسف حصل معايا من 4 شهور تقريبا؛ كل ده مأدركتوش وجود عيب كل ده مادركتوش ان لازم تتعاملوا معاه !!! ده يمكن شاومي وهي احد الشركات اللي مشهورة بصغر سنها في صناعة الموبايلات كان ليها رد فعل محترم جدا قصاد سامسونج أتجاة عيب ظهر بنفس الكيفية مع موديل note 9 الجديد (تراب في الكاميرا) !! سامسونج بتضحي بسمعتها بشكل غريب حقيقي !!
استاذ محمد هجومك على الجهاز ده بالشكل ده فعلا غريب انا متابعك من اول مشكلتك ما حصلت انت و اسراء ذهب و متابع كل بوستاتكم الهجوم ده كله مش مبرر ده انت حتى فلوسك رجعت منوالشركة و حظ حضرتك جه فى جهاز فيه عيب صناعة و الحمد لله فلوسك ماراحتش ايه مشكلتك بقي
