السلام عليكم ورحمة الله وبركاتة

[ycuvydcu]

جهازي a71 و انا اعاني من مشكلة التوقف المفاجئ لمايك الهاتف و ف نفس الوقت السماعات السلكية يعني بحط السماعة السلكية بس الصوت بيطلع من التلفون نفسه انا لما اعيد تشغيل الهاتف المايك بيشتغل و السماعات السلكية بتشتغل بس بعد عشر دقايق بيتعطلو تاني 

فايه المشكلة و ممكن يكون تطبيق good lock السبب ؟

[Ahlawee]

نفس جهازي و نفس المشكله
نرجو من سامسونج ارسال ابديت يظبط الموضوع ده

[samsungmena]

ycuvydcu

مساء الخير يا فندم مع حضرتك زهره من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك

بخصوص استفسار حضرتك برجاء التأكد من بعض الخطوات:

يفضل عمل اختبار للصوت عن طريق كتابة الكود التالى فى جهات الاتصال

* # 0 28 3 #

ثم اختيار SPK و قول اى كلمه والتأكد هل هناك صوت ام لا

ثم اختيار RCV و القيام بقول اى كلمه ووضع الهاتف على اذن حضرتك والتأكد هل هناك صوت ام لا

ثم تركيب سماعات هاند فرى بالجهاز

ثم اختيار EAR او E/P و قول اى كلمه والتأكد هل هناك صوت ام لا

فى حالة ان هناك صوت ولا توجد مشكلة اثناء الاختبار يرجى اعادة ضبط المصنع للجهاز.

الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch

http://www.samsung.com/eg/support/smartswitch/

وفى حالة استمرار المشكلة اثناء الاختبار استأذنك تشرفنا فى اقرب مركز صيانة حتى يتم فحص الجهاز وحل المشكلة لحضرتك

يمكنك معرفة أقرب مركز صيانة عن طريق الرابط التالي :

http://www.samsung.com/eg/support/servicelocation/

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[MHD22]

نفس المشكله معايا وعملت ضبط مصنع والمشكلة متحلتش

[rockmido]

ابحث فى الفون عن برنامج Bixby وامسحه من ع الفون خالص ووقف كل النشاط بتاعه ع الفون واقفل الفون وافتحه وانشاء الله تتحل انا كان عندى نفس المشكله وشيلت البرناج ده والحمد لله ظبطت معايا

[rockmido]

ابحث فى الفون عن برنامج Bixby وامسحه من ع الفون خالص ووقف كل النشاط بتاعه ع الفون واقفل الفون وافتحه وانشاء الله تتحل انا كان عندى نفس المشكله وشيلت البرناج ده والحمد لله ظبطت معايا

[Zeyad_El-Nagar]

يجماعه المشكلة دي قابلتني ف
One ui 5
واتحلت بعد ما حدثت ل
One ui5.1
فحدثوا موبايلاتكم ولو متحدثة ارجعوا للابديت اللي قبل كده

[BoOdyMoRgAn]

انا محدث ل 5.1 وبردو المشكله متحلتش

[Zeyad_El-Nagar]

حاول تنزل التحديث اللي مكنش فيه مشكلة معاك يعني لو كان
One ui 5
شغال معاك تمام نزله وثبته عن طريق
Odin
لو كان فيه نفس المشكلة نزل
Oneui 4.1
وهكذا

[MHD22]

ازاى يا غالى ارجع السوفت القديم