اكتب هنا مشكلتك بعد التحديث لأندرويد ١٠ - Galaxy A70

[Amsuna]

ظهرت مشاكل عديده لسامسونج اي 70 من بعد التحديث لاندرويد 10

والتي بسببها تم سحب التحديث و سيتم تقديمه مره اخرى في خلال الايام المقبله

والحمد لله انا واحد من الناس اللي قرات على النت  الدول اللى كانت قبل مصر فى التحديث و عرفت ان فى مشاكل و بسببها رفضت انى افعل التحديث على الجهاز

بالنسبه للناس اللي فعلت التحديث و  ظهر عندها مشاكل ما فيش داعي للقلق لأن  التحديث القادم هينزل معه علاج لكل المشاكل اللي ظهرت و تم حصرها

انا بالنسبه لنا هنا في مصر ففى بعض الناس بالفعل فعلوا التحديث وظهرت لديهم مشكلات عديده اللي منها 

- الجهاز ممكن يتقل و يسخن و هناك بعض الافراد بيقولو انه بعد عمل اعادة ضبط مصنع تم حل تلك المشكلة و ده منطقى جدا و بفضل فى جميع الأحوال انك تعمل اعادة ضبط مصنع و تتعامل مع الموبايل على انه جديد و تبدأ معاه بداية على نظافة

- البطارية مش بتشحن كويس و بتسخن اثناء الشحن و ده بردو حلها كان فى اعادة ضبط المصنع

- مشاكل بالبصمة سواء كان فى التعرف على البثمة او فى تسجيل بصمة جديدة ، فى حالات بتقول انه المشكلة اتحلت لما سحل بصمة جديدة و فى ببقول انه  اصلا عنده مشكلة فى انه ييجل بصمة جديدة و  لم بجدوا حل، و ده من الاسباب اللى تم يحب التحديث عشانها 

- الكاميرة و جودتها ، مع الاسف ناس كتيرة مش بتلاحظ ان فى فرق فى جودة التصوير، لأن الأغلببة مش بتركز اوى ، و لكن بالفعل فى ناس بتقول انها مشكلة حقيقية و مالهاش حل، و  بردوا ده من صمن الاسباب اللى تم سحب التحديث عشانها و انا سخصيا واحد من الناس اللى بستخدم كاميرة الموبايل فى الشغل عندى و جودتها مهمة جدا بالنسبة لى.

و اخيرا ارجوا مشاركة المشاكل اللى ظهرت معاكم بعد التحديث، خاصة موضوع الكاميرة ده عايزين نتأكد من ان الاصدار المصرى فيه المشكلة ده و لا لا.

خليكم فاكرين ان كلامنا هنا هو بالفعل اللى خلى سامسونج  سحبت التحديث و بتعالجه و بتطوره عشان تحل مشاكلنا، حقيقي ده شركة محترمة و بتسمع لنا، و بعد ما بنزل التحديث فى خلال الأيام المقبله حنعمل بوست جديد نجمع فيه كل المشاكل اللى ظهرت تلنى من بعد التحديث  اللى هو فى الغالب حبكون قبل نهاية الشهر و ده كلام تقريبي

فى انتظار تعليقاتكم و مشاركتكم 

[mohamedibrahim97]

المشكلة اتحلت؟

[M00Dy]

انا عامل اعادة ضبط

مشاكلي البطاريه بتسخن فالشحن ومع فتح داتا لفتره طويله بتخلص بسرعه نسبة البطاريه ف الاستاند باي وبدون استخدام برامج

الانيميشن فيه تقطيعات كده غريبه
اتمنى يراجعوا التحديث تاني ويختبروه

[Amsuna]

مشكور على ملاحظاتك،

[hossamyoussef]

مدة الشحن بقت اطول مع اني مخليه ع الفاست ... لما تسيب الفون و الشاشه تطفي وحدها و هي بتطفي تحسها بترعش ... البطاريه بقة تخلص بسرعه

[Amsuna]

اول خطوة .. هل جربت تعمل ريسيت اعادة ضبط مصنع ؟

[hossamyoussef]

لأ علشان انا عندي داتا كتيررررر و مش هعرف انقلهم

[Amsuna]

المشكلة ده حلها ان شاء الله فى الريسيت، و انت بسهولة تقدر تعمل باكاب الصور و الفيديوهات من خلال
Google Photos
و شات الواتس تعمله باكاب على
google drive
و ارقام التليفونات على ال
google account
او من خلال برنامج بتنزله اسمه
google contacts

[hossamyoussef]

الارقام ساهله و الواتس ساهل...و الصور ساهله بس المشكله ف الفيديوهات و المستندات و الداتا دي كلها...عندي كتيرررررر

[Amsuna]

سيبها تاخد وقتها و ترفعها على النت فى خلال كام يوم، او لو عندك كمبيتور، لو معكش حابل يو اس بي توصله بالكمبيترو، فانت تقدر من خلال برامج تنقل كل اللى انت عايزه للكمبيوتر
.. انا شبهك فى كمية الملفات اللى عندى خاصة انى بيتخدم تلموبايل فى شغلى و تخيل بقى كمية المستندات بس تتجاوز عندى ال ١٥ جيجا لوحدهم، بس النظام اللى انا عمله و كمان جوجل درايف مظبتلى الدنيا، اقدر فى اى وقت اعمل اعادة ضبط مصنع

[saidmohamad]

بعد التحديث ظهرت مشاكل كتير البطارية والكاميرا خلفية وامامية بقت حاجة رديئة