وفرجني علي موديلات حدفها علي الارض ومحصلش اي خدش او كسر فيها ..
انا بجد عايز اعرف لو حد جربهم .. وايه رايكم اغير فعلا الاسكرينه اللي جايه مع الموبيل خصوصا انه قالي ان دي جيلاتين خفيفه للخدش بس عكس هامر انها ضد الخدش والكسر للموبايل وش وظهر ..
كلامك مظبوط وده فعلا الكلام اللي قاله ليا .. وموضوع انه ل ٧٥٠ جنيه هو كتير نسبيا بس مش كتير بالنسبه للموبايل او تمن شاشته ... انا بقي حيرتي التانيه هو اشيل الجلاتين اللي جاي مع الموبيل من مصنعه ولا لو كنت فعلا هعمل الهامر انتظر شويه .. خصوصا ان الجراب الاصلي بداء يعمل خدوش علي الاسكرين الجلاتين مكان قفل الجراب.. هي فعلا زي مانت قولت حيره فعلا
انا كنت مركبها هى بتحمى موبايلات سامسونج وخصوصا الشاشات المنحنيه من الخدش بس انما الكسر لا انما للايفون بتحمى من الكسر حتى لو طلبت منه يوقع موبايل سامسونج فى الارض مش هيوافق انما الايفون بيرميه على الارض عادى
مساء الأنوار أ/ محمد يا رب تكون بـ خير... كنت داخل أدور على رد نهائى لـ سؤال حضرتك على النت بـ صفه عامه وماكنش فيه ردود قاطعه مفيده، فا لاقيت بوست حضرتك هنا كان آخر أمل وتابعت كل تعليقات الساده الزملاء المحترمين وبرضه مافهمتش يعنى أشترى من هامر ولا لأ... 😅 المشكله اللى قالقانى من هامر إنهم بيتكلمو بـ ثقه غير منطقيه ويكإنهم بيستبعدو قدر ربنا فـ إن الموبايل ممكن يقع ويجيب شاشه بالسكرينه بتاعتهم، والسكرينه لما شوفتها راكبه على تليفوناتهم لاحظت إن سُمكها رفيع عادى جداً زى أي سكرينه تانى ده إذا ماكنوش أرفع كمان، والمعلومه اللى أنا متأكد منها برضه إن شاشتنا الـ curve بتبقى أكثر عُرضه للخطر من الشاشات الـ flat، لكن فى نهاية الأمر إحنا كـ مستهلكين بندور على أقصى حمايه وبناخد بالأسباب وبرضه الباقى بتاع ربنا... فا أنا حالياً فـ نفس الحيره اللى حضرتك كنت فيها من سنه وعشمان بالإستفاده من تجربة حضرتك ياترى عملت إيه بعد كل ده، ولو كنت جبت السكرينه من عندهم هل حضرتك حسيت بالفرق اللى يستحق السعر ده (علماً أن السعر دلوقتى وصل 940)، ولو ماجبتش من عندهم إستخدمت حاجه تانيه لاقيتها مُرضيه ؟؟ وآسف للإطاله وشكراً لتفهمك...
الانواع كتير ماعرفش ايه السيراميك ده، بس انا استقريت على الجيلاتين لما لاقيت كذه حد مركبه عن تجارب وثقه فا اعتمدت معاهم النوع الجيلاتين ده هو يبان ضعيف من بره بس هو فيه ماده كده بتمتص الصدمات شويتين زياده عن الباقى ومش مضايقنى فى التاتش اسأل عليه بس وشوفه الاول وهاتفهم انا اقصد ايه حتى هاتلاقيه ف فئه سعريه وسط ولا هو رخيص ولا هو غالى زي الهامر بنتكلم ف حوالى ٢٥٠ او ٣٠٠ جنيه بس يستحقهم
أخويا بيشتغل صيانة فحروحله و كان متحمس زيى لهامر بس طلع إنها مش ممتصة للصدمات لموبايل سامسونج و طلبت منه يوفر لى نوع مش بيبصم.حتوكل على الله و أركبه.موبايلى النوت ٩ دع كات بايظ فلاتة و صلحته ده لو مفيهوش كيرف كنت حركب ازاز زى a 71 موبايلى اللى لسه بايظ
