بخصوص اسكرينات هامر

[MohamedGabr]

انا معايا نوت ٢٠ الترا 

جاي عليه سكرينه الشركة الأصلية..

بفكر بعد مكنت في مول حد من شركة هامر بتاعه الاسكرينات وقفني وكلمني علي جوده شغلهم 

باني اغير سكرينه الحماية اللي علي الشاشه وكمان سكرين لظهر الموبيل وسكرين للكاميرات بقيمة ٧٥٠ جنيه ..

وفرجني علي موديلات حدفها علي الارض ومحصلش اي خدش او كسر فيها ..

انا بجد عايز اعرف لو حد جربهم .. وايه رايكم اغير فعلا الاسكرينه اللي جايه مع الموبيل خصوصا انه قالي ان دي جيلاتين خفيفه للخدش بس عكس هامر انها ضد الخدش والكسر للموبايل وش وظهر ..

ايه رايكم .. افدوني

[Hůssien]

انا هقول لحضرتك مجرد وجهة نظر
الاسكرينة القابلة للكسر افضل
لان الصدمة القوية اللي ليها نتيجة لو نتيجتها مجتش ف الاسكرينة هتيجي في الشاشة

[MohamedGabr]

مخبيش عليك انا قلقان علي الموبيل لانه وقع اكتر من مره وهو زجاج كله .. والحمد لله ربنا ستر
فلما شوفت شغل هامر ومسك موبيل من عنده وحدفه وعمل حجات كده غريبه من تخبيط ورمي والموبيل محصلوش حاجه
خلاني افكر اني اجيب منهم
بس كنت عايز اعرف فعلا لو حد جربهم او اللي راكبه علي الموبيل الاصليه دي خايف برضه اخسرها

[AHMEDREFKY]

الكلام دا للايفون مش السامسونج انا مركب الحماية الكاملة و مجرب هامر فى اكتر من منتج و رائع بس بيبصم جدا و مش بيحمي بالنسبة العالية زي مبيقولوا بس بيحافظ علي الموبيل

[soly_noble]

عندهم نوع ب ٧٠٠ مش بيصم لكن بيقلل إضاءة الموبابل شوية و أنا حركبه كمان ساعة إن شاء الله.أروح و لا ايه

[Elgebaley]

بس الاسكرينة اللى عليه جيلاتين ضد الكسر برضه

[Hůssien]

انا عن تجربة شخصية بس مش على نفس هاتف حضرتك طبعا
تلفوني وقع وهو باسكرينة زجاج على سيراميك و الكسر الحمد لله في الاسكرينة و تليفون تاني وقع على الارض ومش سيراميك و الشاشة اتكسرت و الاسكرينة لم يمسها مكروه 🤣🤣🤣🤣

[MohamedGabr]

هايل جدا الكلام ده😂 .. لاء انت طمنتني لاء طمنيني جدا 😂😂😂

[Hůssien]

🤣🤣🤣🤣 لا انا عاوزك تجمد قلبك فعلا بتفكير بسيط الصدمة اللي هتكسر اسكرينة لو مكسرتهاش هتأثر على حاجة تانية اكيد

[MygalaxyA71]

هو بس الهدف انه على حد علمى ان الاسكرينة الجلاتين او السراميك بتمتص الصدمات لكن ممكن متنكسرش و تنقل الصدمة للشاشة اللى ممكن تنكسر اما الاسكرينة الزجاج العادية بتاخد هى معظم الصدمة و تنكسر و بتقلل الصدمة اللى بتوصل للشاشة ... اللى بتبقى الصدمة عليها بسيطة و ممكن متنكسرش... على العموم لو خايف على الموبايل حطه فى كفر عادى وش و ظهر ... و الله اعلم