Exynos معلومات وتفاصيل عن معالج

[ᏢᎪͲᎡᎥᏟᏦ_ᎷᎥᏟᎻᎪᎬᏞ]

⭕️هو ينفع تشترى موبايل بمعالج Exynos🤔
أنا عندى من الجرأه انى اكلمك عن المعالج ده بصراحه

وانا عارف ان فى ناس كتيره بتابعنى وبتثق فى راى

وعمرك متتخيل انى ممكن اجازف باسمى و بثقه الناس وامانه الكلمه اللى بتطلع لسانى

أولاً وقبل اى حاجه أنا شخصياً من عشاق معالجات كوالكوم سناب دراجون على أجهزه Samsung

ومن راى انها افضل معالجات فى المقام الاول ودى نقصه واضحه وصريحه بدون نقاش

ثانياً: سامسونج فى اجهزتها الرائده من اول سلسله  S22 Ultra بتنزل بمعالجات Snapdragon لحد آخر جهاز
يعنى سامسونج كمان مقتنعه ان معالجات كوالكوم على اجهزتها افضل من Exynos

نيجى بقى للمهم ايه موقف معالجات Exynos دلوقتى

اللى اقدر اقولهولك ان سامسونج طورت معالجتها بشكل كبير فى آخر عامين خاصه فى اجهزه

Galaxy A54    Exynos  1380
Galaxy A35    Exynos  1380
Galaxy A55    Exynos  1480
وحالياً Galaxy A56 5G ببروسيسور Exynos 1580

والاجهزه اللى كتبتهالك فوق دى وبشهاده مستخدى سامسونج تعتبر من انجح الاجهزه فى آخر عامين
والاجهزه دى محصلش فيها مشاكل ومطلوبه ومفيش اى شكوى منها وبتتباع لحد لوقتى

أنا بقولك الكلام ده وانا فى قلب المجال ولا اقصد شئ الناس كلها افضل منى وعلى راسى
لكن أنا اكثر حد ممكن يكون لامس السوق ومشاكله ومبيعاته

واقدر اقولك بكل صراحه الاجهزه دى كان اداء Exynos فيها كويس ومرضى و الاجهزه دى ناجحه بمعالجات Exynos

وبردوا علشان مبحبش حد ياخد الكلام فى حته تانيه انا مبقولش ان المعالجات دى احسن معالجات

ربما يكون فى معالجات تانيه اقوى منه عادى

لكن أنا بكلمك على المعالجات دى بعينها

واوعى مخك يوصلك انى بكتبلك الكلام ده مثلاً علشان جهاز Galaxy A56 5G

أنا بكتب ده علشان لاحظت ان فى ناس لسه بتردد الكلام ده لحد النهارده وهى مجربتش الاجهزه دى ولا جربت Exynos فى آخر عامين
وبتفضل تقول ان المعالجات دى مش كويسه ومتشتريش جهاز فيه معالج Exynos

وانا بكتب البوست عارف ان فى حد هيظهرلى فى الكومنت هيقولى انا اشتريت جهاز منهم وجربته وبعته ومعجبنيش

هقولك ان اى شركه طبيعى تلاقى حد اشترى جهازها ومعجبها لكن انا بكلمك على انطباع عام

وانا شخصياً فى حد بعتلى انه اشترى Reno 13 5G ومعجبهوش وقالى هرجع لسامسونج
فهل ده معناه ان الجهاز مش كويس
بالعكس الجهاز ده فيه معالج من اقوى المعالجات فى الفئه السعريه دى

والغريب والأغرب لما تلاقى حد عنده صفحه ويعمل فيها الخبير التقنى وهو اصلاً مبيجربش اجهزه ومش عارف اداء الاجهزه الحقيقى اللى بيقول للناس عليها سواء كويسه او لا

وبدون تجربه حقيقيه فعليه للاجهزه
انا عندى جيب الاجهزه واطلع جربها وقول رأيك بصراحه للناس من وجهه نظرك وده حقك المشروع
والنقط الايجابيه والنقط السلبيه

طب انت بتحكم على الاجهزه دى ازاى؟
من المواصفات مثلاً ولا من على النت؟
والكاميرات بتاخدها بالارقام مثلاً؟
والمعالجات دى بتعرف ادائها اذاى مع سوفت وير؟ الشركه اللى بينزل فيها؟

من على النت بردوا ولا من انتوتو

أنا بكتب البوست ده ليه لان المفروض رأيك ده امانه فالمفروض تقوله بعد تجربتك الفعليه سواء بالسلب او بالإيجاب

وبكتب البوست ده لان ربما يكون فى حد محتار يشترى وبيسال على جهاز وبيلاقى حد ممكن عنده انطباع قديم عن Exynos ومش متابع آخر فتره وميعرفش ادائها وهيكلمه بدون وعى ويكون ضللك بدون قصد

أنا معاك ان المعالجات دى كانت سمعتها سيئه جداً من سنوات فى فترتها الاولى

لكن اللى أنا اعرفه وفى ناس كمان عرفاه ان المعالجات دى سامسونج طورتها فى آخر عامين

والكلام ده ممكن يكون من الصعب حد يكتبهولك خوفاً وتجنباً لدخول فى اى مجادلات

وهرجع تانى وأوضح انا مبقصدش ان معالجات Exynos احسن معالجات

انا هدفى اوضحلك معلومه واصححهالك وتقدر تدور ورايا هتتاكد من صحتها
علشان اعرفك ان المعالجات دى فى آخر فتره اتطورت وبتقدم اداء مقبول ويعتمد عليه وليست سيئه بالطريقه المشاع عنها

[ᏢᎪͲᎡᎥᏟᏦ_ᎷᎥᏟᎻᎪᎬᏞ]

يعني الالعاب هتشتغل بسرعة على A55 وعلى s24 ultra لأ يعني ولا ايه

[Mohab16]

مش قصدي كدة .اقصد انة سادد اوي يعني وكافي

[Mohab16]

عندك حق والتجربة خير دليل وانا معايا الاتنين .

[hossamos]

هو عيبه الوحيد اعتقد من خلال تجربة الناس هو السخونية الشديدة مع الاستخدام

[ᏢᎪͲᎡᎥᏟᏦ_ᎷᎥᏟᎻᎪᎬᏞ]

دي مشكلة ان شاء الله تتحسن بعد تحديث آمني

[hossamos]

لا انا بكلمك عن معالجات Exynos بشكل عام بتسخن بشكل جامد ده عيبها الوحيد ولسة لحد الان سامسونج معرفتش تحل المشكلة دي في معالجاتها

[ᏢᎪͲᎡᎥᏟᏦ_ᎷᎥᏟᎻᎪᎬᏞ]

ما انا بقولك ان ان شاء الله تحديث آمني يحل المشكلة

[hossamos]

دي بتبقي عيب في تصنيع المعالج نفسه ملهاش حل غير انها تقلل من أداء المعالج

[hossamos]

ولو كانت معالجتها بتسد كانت حطيتها في هواتفها الرائدة لكنها للأسف بتجازف بالهواتف المتوسطة ومبتجازفش بالهواتف الرائدة

[ᏢᎪͲᎡᎥᏟᏦ_ᎷᎥᏟᎻᎪᎬᏞ]

ايوة كل فئة ليها المعالج بتاعها