جماعه هو صح الكلام ده

[Nody_9090]

هو لو تلفوني بي شرحتين لازم اشغل الشريحه التانيه قبل 1/1 علشان ميتقفلش ولا عادي هو معايا من زمان ومشغله شريحه واحده ومش بيدعم عندي ال esim هو ده صح وهل عادي لو شلت الخط من الاوله وحطيتو في التانيه وعملت مكلمه. شغلت باقه كده هتتسجل ولا لازم احط خط تاني وهل عادي خط اي حد معايا في البيت ارجو الرد بسرعه 

[hossamrv]

متابع

[複ᴀʜᴍᴇᴅ]

أحب أطمنك إن جهاز تنظيم الاتصالات في مصر ما أصدرش أي قرار بخصوص إيقاف تشغيل الهواتف المحمولة المستوردة من الخارج. اللي بيتداول عن الموضوع ده مجرد شائعات.

بالنسبة لموضوع الشريحة المدمجة (eSIM)، الجهاز القومي لتنظيم الاتصالات أعلن عن إطلاق التقنية دي في السوق المصري بعد استكمال الاختبارات الفنية اللازمة.

لو عندك شريحتين في تليفونك، مش مطلوب منك تشغل الشريحة التانية قبل 1/1، ومفيش أي تعليمات رسمية بتقول كده.

بالنسبة لنقل الشريحة من مكان لمكان في التليفون، ده مش هيأثر على أي حاجة، والمهم إن الشريحة تكون شغالة ومفيش عليها مشاكل.

لو عندك أي استفسارات تانية، يفضل تتواصل مع خدمة العملاء لشركة الاتصالات بتاعتك أو تزور الموقع الرسمي للجهاز القومي لتنظيم الاتصالات.

لمزيد من التفاصيل، ممكن تشوف الفيديو ده:https://youtu.be/CAw9DB55cFY?si=1IGL71HtlcFA6SgL

[Eisso]

ابلكيشن تليفوني علي بلاي ستور و اعملوا سيرش بسريالات الجهاز للخطين اضمن حل النهارده

[WMO-A55]

تليفوني ضمان محلي وللاسف خط واحد فقط اللي مسجل (IMEI)
الخط التاني الابليكيش ظاهر ان عليه رسوم تسجيل ٦٠٨٠ جنيه قمة التهريج

[Nody_9090]

وكنت نقلت الشريحه في مدخل اتنين وعملت منها مكلمه وفتحت نت

[Nody_9090]

انا عملت بي الاتنين ومجليش رسوم

[WMO-A55]

عملت كده من اكتر من ساعتين و مافيش حاجه لسه بيظهر ان عليه رسوم

[Nody_9090]

انا عملتها امبارح يوم 30

[WMO-A55]

للأسف انا كنت مفكر طالما تليفوني ضمان محلي من سامسونج ان ماليش علاقة بالمشكلة دي لغايه ما سوفت فديوهات بتتكلم عن المشكلة