Original topic:

بين جوالين.... Galaxy J7 Prime 2 .VS. Galaxy Note 3

(Topic created on: 02-14-2024 09:32 PM)
104 Views
اندرويدي٣٦٠
Expert Level 1
Options
اخرى
السلام عليكم ورحمة الله وبركاته.. أنا في الوقت الحالي مخير بين جوالين وكل واحد يقول: الزود عندي في الخرابات🤣! كل واحد فيه خراب مش موجود في الثاني😁 بالنسبة للجهاز الأول اللي هو Galaxy J7 Prime 2 فالشيء الوحيد اللي ممكن يسبب مشكلة هي الكاميرا الأمامية اللي ممكن تكون مش واضحة ولكن على عكس الكاميرا الخلفية في الجهاز الثاني اللي مش واضحة بالمرة والجهاز الثاني اللي هو Galaxy Note 3.. بصراحة أنا أميل للبرايم 2 لأن الدعم فيه للأن مستمر على عكس النوت 3 اللي منقطعة عنه التحديثات منذ عام 2021 تقريبا!! وبصراحة مش عارف إيش أسوي بالنوت 3.. يعني أن الجهاز للأن تقدر تصور فيه بالكاميرا الأمامية وقبل فترة قدرت أنظف السماعة والمايكروفون وصاروا زي الفل! بس الجهاز ما صار له فائدة بالنسبة للتطبيقات والدعم والتحديثات والبرامج والنظام التشغيلي بشكل عام.. ما أتوقع أن النوت 3 راح يكمل معي بسبب أن التحديثات ما صارت موجودة له وأن بطارية الجهاز صارت قديمة وما تستحمل الإستخدام الثقيل.. يعني تقريبا كل هالمشاكل هذي ما راح تخليني أستخدم النوت 3 بشكل طبيعي زي أي جوال عادي،، يعني يا شباب.. طبيعي الجوال ما يكمل معك من 3 إلى 4 ساعات إلا وهو طافي؟ وطبيعي أن الجهاز ما صارت تنزل له تحديثات وكل ما حاولت أسوي تحديث للتطبيقات الموجودة فيه يقول لي أن التطبيق لا يعمل بشكل صحيح ويجب إعادة تثبيت التطبيق؟ أنا بصراحة محتار من مشاكل النوت 3 وأعتقد أنني راح أحطه على جنب وأشوف بعدين محل يغير كل القطع الخربانة فيه،، وأعتقد برضوا أن قطع غيار النوت 3 إنقطعت في الوقت الحالي وما فيه أحد يبيع بطارية نوت 3 أو قلم نوت 3 أو غطاء خلفي للنوت 3.. أنا أعتقد أن هذا الوقت هو الوقت المناسب أنني أحط النوت 3 على جنب علشان يرتاح من المشاكل وأنا أرتاح معه وأفك رأسي من كل مشاكله.. أما بالنسبة للبرايم 2 فراح يكون هو جوالي الثاني كبديل للنوت 3،، بصراحة فيه فرق كبير جدا بين النوت 3 والبرايم 2 وراح أركز هنا على النظام التشغيلي والدعم والتحديثات بشكل عام.. بالنسبة للنوت 3 فالتحديث الموجود عليه في الوقت الحالي هو أندرويد 5.0 لوليبوب وهو تقريبا أخر تحديث نزل له لأنني ما شفت تحديث للجوال من بعده وواجهة المستخدم هي تاتش ويز.. أما بالنسبة للبرايم 2 فالتحديث الموجود عليه هو أندرويد 9 باي وواجهة المستخدم الموجودة عليه في الوقت الحالي هي ون يو أي 1.1.. وطبعا لا ننسى أن فيه فرق كبير بينهم في سنة الإطلاق.. يعني أن النوت 3 نزل في عام 2013 والبرايم 2 نزل في عام 2018 يعني فيه فرق حوالي 5 سنوات بين الجهازين!! وبرضوا نتكلم عن فرق الإختصارات الموجودة في الإصدارين،، يعني على سبيل المثال: النوت 3 لما تعلق على زر الشاشة الرئيسية راح يعطيك التطبيقات المفتوحة في الخلفية.. أما بالنسبة للبرايم 2 إذا جيت تعلق على زر الشاشة الرئيسية راح يفتح لك مساعد جوجل أما إذا كنت تبي تروح للتطبيقات المفتوحة في الخلفية فراح تضغط على زر قائمة التطبيقات المفتوحة في الخلفية بالجانب الأيسر لزر الشاشة الرئيسية.. هذا كان كل شيء بالنسبة للمقارنة بين الجهازين ومع السلامة! 
image


0 Comments