السلام عليكم

[homod]

هل الرابط هذا آمن وموثوق؟ 

[〆AL-Mutairi〆]

هذا تبع زاجل 👇

https://zajil-express.com/ar/track-your-shipment

اللي فوق اول مره اشوفه اصلا وأنصحك لاتستخدمه اذا تبي تتبع شحنه لدى زاجل هذا رابطهم المعروف ☝️

[homod]

هذا الرابط ارسله لي واحد وقال لي اقطع فاتورة ب10 ريال وسجلت بياناتي بعدها طلبوا اسم حساب البنك وكلمة مروره

[〆AL-Mutairi〆]

ايوه وعطيتهم!!!!

[〆AL-Mutairi〆]

اي شخص يطلب منك اسم حساب ورقم مرور اتفل في وجهه قل هذي من المطيري ياخسيس

[〆AL-Mutairi〆]

مين الواحد وكيف كلمك ووين جاك
ممكن تقول لي السالفه بالخاص وليش قالك ادفع 10 الخ

[〆AL-Mutairi〆 · Accepted solution]

هذي هندسه اجتماعيه يخليك تصدق كلامه وتقتنع وتعطيه اللي يبي ويجيبها لك بأكثر من طريقه

زي مثلا صفحه مزوره لزاجل او أين كان ويكلمك ع انه موظف ومع العلم ممكن تكون انت طالب فعلا طلبيه وبتجيك بزاجل فهمنا يستخدم الهندسه الاجتماعيه بأنه هو الموظف ويقعد يطلب بيانات على أنه يسجل ويواصل معك بالبروتين المعروف عند أي شركه ثمن يبدأ يستخدم معك انواع الأساليب اللي ماتكشفه فيها وتكون واثق منه

لدرجة حتى ممكن يعمل صفحه مزوره للدفع مثل ماعمل معك عشان تسجل معلومات البطاقه ورمز الأمان

ثم يسجلها عنده ولما يجيك رمز من البنك يقولك عطني الرمز عشان ناكد لك عملية الدفع وانت تصدقه تعطيه بيكون مخول انه يدفع من صرافتك ثم يشفط فلوسك

[homod]

الله يجزاك الخير على التنبيه بعتبره درس لي في الحياة 😅
اساسا كنت حاط فيه 10 ريالات وبغير كلمة المرور

لكن بخصوص الروابط كيف اعرف انها رسمية من الشركة

[〆AL-Mutairi〆]

فيه مواقع تفحص الروابط

كذلك مثلا برسل لك رابط تبع مثلا زاجل واقولك هذا زاجل ادخل عليه

لاتدخل الموقع معروف لديك روح للعم قوقل واكتب زاجل 👍

هذولا يتصيدون اي زله تعملها فخلك حريص وزين انك كتبت لنا اساسا 👍

اذا استخدمت البطاقه يعني سجلتها في موقعهم رقم الحساب الأمامي وتاريخ البطاقه ورمز الأمان

الأفضل لك روح للخدمه الذاتيه وطلع بدل فاقد على طول هذي اللي دخلتها لهم تلغي مباشره 👍

اما اذا مادخلت بطاقه ولا عطيتهم رقم الصراف وتاريخها ورمز الأمان ولا عطيتهم اسم المستخدم والرقم السري مو لازم تغير

كذلك خلك حريص اي رسالة كود تجيك وعليها رابط لاتفتحه ولا تعطي الكود لأي شخص لو هو انا اجيك اقولك عطني الكود لاتعطي لاتعطي

اتفقنا؟!

[homod]

طلبوا مني هذي بس
وقبله طلبوا رقم الهوية والاسم الثلاثي