لدي مشكله بالبيانات هذي المره الثانيه تواجهني عندي نوت ٢٠ الترا فعلت بيانات واستمرت معي تمام وفجأه في احد الايام صارت تشتغل بعض التطبيقات وبعضها لا يعني كأن ما عندي نت . وسويت حرفيا كل شي وما ظبط اتصلت بstc سويت كل حلولهم ورجعت ظبط المصنع حق الشبكه وما نفع وشفت اعدادات الapn كلها كويسه . وبعد فتره من المحاوله جربت اسوي اعادة ظبط اعدادت الاتصال وظبطت الشبكه وللعلم يوم كانت ما تشتغل كان الواي فاي تمام بس البيانات فيها المشكله كنت اطفيها واشغلها وتنعكس التطبيقات اللي كانت ما تشتغل صارت تشتغل واللي كانت تشتغل كأن مافي نت . الان رجعت المشكله وما ادري وش الحل
هذه المشكلة متى ظهرت بعد التحديث الى أندرويد ١١ او قبل اذا بعد انصحك باعادة ضبط المصنع واحفظ ملفاتك قبل حتى لا تفقدها وقم باخراج الشريحة وراح تلقى الحهاز يعمل دون مشاكل ان شاءالله او كحل اخر امسح ملفات الكاش ويب ثم قم باعادة ضبط الشبكة
عمل نسخة احتياطيه روح الضبط ثم الحسابات واعمل نسخ هناك في قوقل او سامسونج كلود وفي اكثر من طريق اخرى للنسخ لاكن بما ان المشكلة من قبل جرب الحلول الاخرى اعاذة ضبط الشبكة ثم قم بمسح ملفات ويب كاش وراح تنحل ان شاءالله
جهازي نفس جهازك تحصل لي نفس المشكله بس من اعيد فتح التطبيق يضبط حاول تمسح الكاش داتا حقت التطبيق نفسه وجرب واحد من زملاي واجه نفس مشكلتك بس جهازه ايفون وطلعت المشكله من الشريحه نفسه من استبدلها ضبط حل استبدال الشريحه وارد
شكرا لجميع من ساهموا في الحلول . سويت اعادة ظبط المصنع بعد محاولات عدييده وجربت جميع الحلول المكتوبه وبائت بالفشل وبعد اعادة ظبط المصنع للجهاز كامل المشكله ما زالت موجوده . واكتشفت المشكله الغريبه من وش . فيه باقات stc مثال سوا لايك وسوا شير هذي ما تصلح للنوت ٢٠ الترا ولا اعلم اذا ما تصلح لاي جوالات اخرى مشابهه له . السبب في ذلك ان الباقه اذا باقي فيها ٢ قيقا فقط الشركه نفسها ييدأون يبطأون سرعة البيانات فيها فيصير التصفح أبطأ وكل شي ابطأ ولا اعلم السبب هل هو عشان تفعل باقه جديده او عشان يوفرون استهلاكك او هل هو حد استهلاك بيانات ولكن كانت تصير لي في النوت ٤ والاحظ دايم على نهاية الباقه تصير أبطأ . في النوت ٢٠ تتفعل نفس الخاصية ولكن الجهاز لا اعلم ليه ولكن ما تصير ابطأ بل تتوقف تماما عن التشغيل عند وصول حد معين قرب نهاية الباقه. اللي وهي اذا تبقى ٢ قيقا او واحد ونص قيقا تبدأ الخاصية بالتفعيل ان الجوال يصير استهلاكه ابطأ مع العلم هالشي ليس من الجوال بتاتا واجهني البطأ في اكثر من جوال استخدمته ولكن تكمل استخدام ببطئ الا في النوت ٢٠ تفصل الباقه تماما وكأن ما عندك نت وانت باقي عندك ٢ قيقا . الحل فعلت اضافات النت مو باقات النت . انك تضيف ١٠ قيقا مثلا او اي حجم بيانات تبيه ويشتغل زي سلام عليكم حتى اخر نقطه من البيانات ولكن الباقات7 مثل سوا لايك وشير بعدوا عنها ابعد شي . اتمنى احد المشاهير هنا ينبه عالموضوع لانه ترى يكرهك بالجوال تفكر الخلل منه . ومشكورين مره ثانيه عالجهود . الشهر الفائت فعلت اضافات الانترنت ١٠ قيقا من تطبيق stc ومشت معي تمام . والشهر اللي قبله فعلت سوا لايك وجلست حتى ٢ قيقا وفصل النت وهالشهر تأكدت بعد ما فعلت الباقه وجلست حتى ٢ قيقا وفصل لما اضفت نت ١٠ قيقا اشتغلت على طول .
