انترنت

[mohamedmido]

السلام عليكم ورحمة الله وبركاته دلوقتي انا عملت باقه نت ب٧ جنيه تديني ٥٠٠ ميجا تمام وعليه عرض لمده شهرين تديني ٥٠٠ كمان هديه مهم انا دلوقتي عايز باقه ده تتجدد من نفسه بعد انتهاء المده وكمان عايز الميجابايتس يترحلو معاه ويضافو علي الشهر الجديد مش يروحو عليا في انا مش فاهم الاعدادت ده خالص علي كده لو زي ماهي هتعمل اللي بقول عليه ده ولا هي مقفوله ولازم افعله انا لاني مش فاهم ؟ ارجو المساعدة من فضلكم

[RamyELGammal]

السكرين ده من تطبيق انا فودافون
النظام بيكون ان لو مدة الباقة انتهت ويوجد رصيد كافي بيتم التجديد التلقائى لنفس الباقة وترحيل المتبقي من الميجابيتس للشهر اللي بعده
انت مش محتاج تعمل حاجه عشان ده يتم غير شحن رصيد قيل ميعاد التجديد التلقائى

اللي ممكن يفيدك في الكلام اللي فوق ده 👆
هو ايقاف النت سواء متجدد او غير متجدد
وده فايدته ان لو الباقة خلصت ميجابيتس قبل ما تخلص مده وتتجدد لما بتفتح النت بيحاسبك من الرصيد

الاحسن ليك تفعل ايقاف النت المتجدده عشان مش كل شهر تقعد تفعلها
كده لما الميجابيتس تنتهي النت يقطع وماياخدش من الرصيد وكمان انت تعرف انها خلصت فا تجدد بدرى عن الميعاد او تاخد لها كماله لحد ما المده تنتهي من اختيار ياقات اضافيه

[CaptenAlaa]

👍

[Amira-elnagar]

mohamedmido

مساء الخير يا فندم مع اميرة من سامسونج مصر
بنشكرك جدا على طرح سؤالك وبنتمنى لحضرتك يوم سعيد
بناءا على سؤالك نستاذنك بالتواصل من خلال شبكة الاتصالات التابع اليها للتمكن من مساعدة

 ولو عند حضرتك أى استفسار أخر
موجودين تحت أمر حضرتك وفى خدمتك فى أى وقت
شكرا لحضرتك ولوقتك