اطلاق خدمة سامسونق باي يوم 9 ((كما قلت ولله الحمد))

[Anonymous]

تصل تدريجي للمستخدمين ماعليك الا الانتظار وابشر ..

.

.

وين اللي كانوا يسبوني ولا يسموني حق إشاعات وكنت مصدر بغض بالنسبة لهم؟؟ ، اتوقع كفيت ووفيت وكبست انفاس البعض 🤚

تحياتي للمطيري وكاريزماتي وغيرهم 🫡

[lokmaneKsa]

ايه 9 واضح ههههه
انت قايل كذلك 3 لذا مالك حق تتكلم لانك قلت كم من تاريخ ومسميها هبد بالاضافة للحين مافينا ندفع ولا انت بعد هاذي اعلان من البنك المركزي شيء عادي لازم يعلن نبي الخدمة تنطلق يا صاحب مدير شركة سامسونج ومكبس انفاس البعض

[Anonymous]

🤫🤫

[lokmaneKsa]

الهبد يبقى هبد حتى لو صار لا ترقع يا ابو 3 وضف انو للحين ما انطلقت لا تدريجي ولا زفت لا تخرط لسا ننتظر اخر اليوم يمكن حد يثبت لنا بالفيديو الخدمة وان شاء الله يصير ..

[Anonymous]

انا قايل انها بتنزل 9 لكن غصب تطلعني غلطان .. والخدمة تنطلق تدريجي لكنك تبغى تعاند وتحفظ ماء وجهك .. الخدمة جات للبعض دون بعض مانت مصدق ابحث ياعبقري

[lokmaneKsa]

احفظ ماء وجهي من ايش وانت قايل ان كلامك هبد يعني بس تخمين واشاعات ماهي برسمية !؟ والله غريب الاطوال انت

اقرا كلامك واي عاقل يقول انه كلام ما يعتمد عليه ولا وراه سالفه اصلا قلت (بس بالنهاية يبقى مجرد اجتهاد شخصي او بمعنى اوضح هبد طالما ما في شيء رسمي ننتظر ونرى صحة كلامهم) وش ازيدك فوق كلامك ذا ههههه

[Anonymous]

تعرف وش معنى تسريب ولا اعلمك ههههه ؟ .. التسريب يبقى تسريب قد يصيب ويخيب وهذا مقصدي ، لو كلامي اشاعات ماقلت انه (احتمال كبير ينزل يوم 9)

بعدين انا ليش جالس اناقشك خش حسابي ومنشوراتي تحصل كل يوم اقول انه يوم 9 ((ونزل يوم 9)) فالموضوع منتهي سواء شئت ام ابيت 😊 👏

[lokmaneKsa]

لا تجيب لي طاري التلجرام مالي دخل فيك وش قلت اتكلم هون واول شيء تهاوشنا على 3 وبعدها 9 مسبقا ..مب فاضي ارجع ادور كلامك من 3 قلنا لكم بطلو هبد حتى لو تكلم لك مدير الشركة نفسه وما صرح تصريح رسمي لا تهبدو هون ..باي ما رح ارد ثاني يا ابو تسريب 3 ثم ترقيعة 9 ثم انا مش ضد التسريب انا ضد انك تجاوب لما كانو يسالو العالم انو يوم 3 ان شاء الله مسوي متأكد لكن لو قلت في كل تسريب انه هبد وتسريب ممكن يخيب او يصيب يمشي الحال

[Anonymous]

وش دخل التيليقرام الحين هههههه يكفي وصلت فيك انك تكذب سامسونق نفسها ف توكل لاهنت

[Anonymous]

مابيني وبينك مشكلة لكن المشكلة انك تحاول تسوي من الحبه قبه ، عشان ترقع موضوع تهجمك وشتايمك ، والدليل على هذا :
مارديت على كلامي كامل ، ذكرت بالمجتمع يوم الجمعة (فيه حدث الساعة 6 مساءا) ،
وماقلت انت شيء لأنك عارف ماتقدر ترد

وقلتلك واثبت لك اني من قبل تاريخ 3 ديسمبر اني اميل وارجح ان الخدمة بتتفعل يوم 9 ديسمبر قمت تدخل تطبيقات مالها دخل بكلامي تقول مالنا دخل بالتيليقرام ومدري وش

وبرضو وماننسى انك قمت تكذب البنك المركزي وسامسونق بكبرهم عشان تثبت اني غلطان وترقع اغلاطك 😂

ف لو فيك خير رد على موضوع الحدث و قلي اذا انا جزمت (واكدت) انه يوم 3 ليش قلت للناس انه (غالبا) يوم 9 ، لكن لا

.
.
.

انا اعتذر عن التطاولات ، لكن لابد اني ابري نفسي من اتهاماتك .. ولم ولن تجد من يؤيدها لأنها باطلة لأن كما ذكرت تحاول تثبت حجتك وتبرر تعديك وتهجمك

وشكرا 👏