الراجل الكبير اللي واقف مستني دوره بمنتهي الإحترام في طابور الكاشير في هايبر في أسوان ..
ولابس كاجوال بسيط و بيتسوق بنفسه .
وماسك باسكت المشتريات زي أي مواطن عادي ..
وسايب مسافة بينه وبين االي قدامه إحتراماً للخصوصية ..
الراجل دة ..أتغير عشانه الدستور البريطاني و اتغيرت عشانه قوانين بريطانيا العظمي من جوة مجلس العموم البريطاني عشان خاطره هو شخصياً ..القوانين اللي متغيرتش من آلاف السنين ...
صاحب الطائرة الخاصة المهداة من ملكة بريطانيا له شخصياً.
الراجل ..اللي اخد ارقي الاوسمة والدرجات العلمية ف العالم وبينحني له احتراما كل الرؤساء والعظماء في كل العالم ..
الراجل اللي عمل زرع قلب لجنين ف بطن امه من ١٥ سنة ف عملية تاريخية ناجحة هتتكلم عليها الكتب حتي نهاية التاريخ
الراجل دة مفيش معاه 10 افراد يشيلوله الشنطة والباسكت ولا 5 من تلاميذه يجيبوله الطلبات لغاية عنده
السير مجدي يعقوب ...في هايبر في اسوان
الصورة دى هدية ..هدية لكل مسؤول مريض نفسي في مصر
هدية لكل مشهور عنده جنون عظمة ف مصر
لكل مواطن اتربي في ثقافة عفنة تقيحت ابدانها من سنين .
الصورة دى هدية لاستاذ الجامعة اللي امتحنه في الجراحة ايام كلية الطب ف مصر وقال لمجدي يعقوب ايديك متنفعش ايدين جراح ولفت الايام وبقي الاستاذ دة بيحضر مؤتمرات مجدي يعقوب ويمسك الكشكول يكتب وراه لعله يتعلم
الصورة دى هدية ..لكل حد غير محترم في البلد دي .
هذا الرجل .... يبهرني♥️
