Samsung Health

[Wessowesso]

مشكلتي ان لما باشغل برنامج Samsung health وباسمع اغاني وانا بالعب رياضة ومشغل برنامج Samsung music الاغاني بعد فترة تقريبا ربع ساعة بتبتدي تقطع والتراكات مش بتكمل للنهاية وممكن التراك يتنقل للتراك اللي بعده أو الأغنية اللي بعدها وممكن يتوقف تشغيل الاغاني لفترة وبعدين ترجع تشتغل تاني ومتكملش الأغنية لنهايتها ويحصل تقطيع. جربت اشغل برنامج Samsung music لوحده من غير ما استعمل Samsung health المشكلة مظهرتش والاغاني اشتغلت كويس من غير تقطيع لكن بمجرد تشغيل Samsung health المشكلة بتظهر علما بأن الاغاني موجوده على ذاكرة الهاتف مش علي الكارت وتليفوني galaxy A71 .. باتري حد اشتكي من نفس المشكلة دي او ظهرت معاه؟؟ يا ريت الاقي لها حل لاني جربت اعمل uninstall لبرنامج Samsung music وبرضه مفيش جديد وجربت اعمل clear cach و clear data وبرضه المشكلة موجودة.

[Anonymous · Accepted solution]

جرب وضع البرامج الاتية مع التطبيقات التي لن يتم وضعها فى السكون مثل الراديو مشغل الموسيقى

[Wessowesso]

تمااام اشكرك .. هجرب واشوف يا رب الدنيا تظبط .. أنا حاسس ان المشكلة في Samsung health لأن بدون تشغيلة الاغاني بتشتغل كويس لكن بمجرد فتحة الاغاني بتقطع والتراكات بتنط أو بتتوقف عن العمل.

[Anonymous · Accepted solution]

لو السليب محلهاش
ممكن تكون التنبيهات اللي بتجيلك من سامسونج هيلس كل كيلو متر او تنبيهات دقات القلب وهكذا هي اللي بتقطع معاك برامج الموسيقي
لانها بتعمل كده مع spotify

[Wessowesso]

كلامك منطقي الي حد كبير .. ممكن فعلا يكون ال interruption اللي بيحصل أثناء التمرين هو السبب في ده بس تحديدا النهاردة أنا ركزت في الموضوع ده فعلا وخطر علي بالي بس تابعت لقيت أن بمجرد فتح برنامج Samsung health وقبل ما يقول حتي اي اشعارات الاغاني ابتدت تتوقف وتقطع والتراك اللي كنت باسمعه نط للي بعده فقفلت ال Samsung health وحذفته من الميموري بس تقدر تقول إن بيحصل bug نتيجة تشغيله وحتي بعد قفله بفترة بتفضل الاغاني تقطع لغاية ما تعمل restart للجهاز وتفضي ال memory تماما علشان الدنيا ترجع طبيعية.

[Anonymous]

يبقي كده في حاجه غلط في سامسونج هيلس ومحتاجه تحديث يظبطها
ممكن تساعد لو عرفت توصل المشكلة عن طريق ريبورت او حاجه

[Wessowesso]

انا بالفعل بعت المشكلة لسامسونج وطلبوا مني اعمل log report علشان يعرفوا يوصلوا للمشكلة ويحلوها وعملته وبعته ليهم وبرضه موصلتش لحاجة وكان ردهم اني اعمل clear data و clear cach للميوزيك ولو المشكلة فضلت موجودة احذف البرنامج وارجع أنزله تاني .. وكل الحاجات دي عملتها وبرضه مفيش حاجه اتحلت .

[Anonymous]

خسارة طبعآ
سامسونج هيلس ملوش بديل حاول تجرب بتطبيق موسيقي تاني وتشوف ايه النتيجه

[Wessowesso]

امبارح جربت اشغل سامسونج ميوزيك من غير ما افتح سامسونج هيلث خااالص وجربت شوية واعتمدت علي ساعة هواوي وتش فيت اني شغلت ال جي بس اس بتاع الساعة وجربت شوية وبعد حوالي 10 دقائق حصلت نفس المشكلة الأزلية وبدأت الاغاني تقطع وتنط التراكات وتقف شوية وتشتغل شوية .. الملاحظة هنا اني بدأت اربط بين السماعة البلوتوث وبين اللي بيحصل .. أنا معايا سماعة ريلمي q buds وباستعملها دائما وانا بجري .. فهل هي ممكن تكون سبب المشكلة مثلا ؟؟..

[___]

@MahmoudHamed
وضع السكون مش هيأثر على البرامج دي وهي شغالة، انا حاطة الراديو وسامسونج ميوزيك وشغالين كويس