RCS لا تعمل

[Artist8]

بعد تحديث Android 13 ، تطبيق رسائل سامسونج بقى فيه مشكلة مع RCS مع مكان الشريحة الأولى تحديدا،  أى شريحة تركبها فى المكان التانى تشتغل طبيعى جدا .. أما أى شريحة تركب فى المكان الأول أو الأساسي يعنى ، " نظريا " بتكون شغالة ، لكن هى مش شغالة. 

بيبقى كاتب إن الدردشة مفعلة ، و أى حد يبعتلى حاجة بتوصلنى دردشة عادى جدا ، و ممكن يبعتلى صور و ملفات بشكل طبيعى جدا ، و لو بيرد عليا و أنا بكتب بيظهر عندى أنه بيكتب ... لكن جهازى بيبعت رسائل SMS عادية مش رسائل دردشة ، إستنيت بقالى 8    شهور مستنيهم يحلو المشكلة دى عن طريق تحديث أو حاجة ، لكن مفيش !!! كل التحديثات بتوصلنى تحديثات أمنية فقط ، و بقت كل ثلاث شهور ، مش كل شهر زى الأول ...

حد واجهه نفس المشكلة ؟؟ 

و لو واجهته ، هل قدر يحلها ولا لأ ؟؟ 

[Samsung Admin]

Artist8

صباح الخير يا فندم مع مهاد من سامسونج مصر

بنشكرك جدا على طرح سؤالك وبنتمنى لحضرتك يوم سعيد

بناءا على سؤالك

يرجى اعادة ضبط المصنع للجهاز.

الضبط ← الإدارة العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch

http://www.samsung.com/eg/support/smartswitch/

فى حال استمرار المشكلة برجاء التوجة الى اقرب مركز صيانة لفجص الهاتف

شرفنا بالدخول على الرابط التالي عشان تعرف اقرب مركز صيانة ليك

http://www.samsung.com/eg/support/servicelocation/

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك  

[BESMAR]

الخدمة وقف تفعيلها في شركات الاتصال في مصر بس هو ده الموضوع وقفت من اول ١٢ اللي فات

[Artist8]

الخدمة شغالة عندى بشكل طبيعى بقالها فترة
لو بتستخدم تطبيق رسايل Google ، إستخدم تطبيق سامسونج ، كتير تطبيق جوجل بيعلق و ممكن لفترة طويلة توصل لشهور

[mon28]

نفس المشكلة عندى و مش عارف اعمل ايه و جربت كل الحلول اللى فى النت و لا حاجة نفعت + الكلام دة بجد فعلا انها وقفت خالص فى مصر و لا ايه

[Artist8]

لا ... شغالة موقفتش

[Artist8]

بس إستخدم تطبيق سامسونج للرسائل
و لو كنت بتستخدم تطبيق جوجل ، حاول توقف الرسايل عليه و إمسحه و إيداع استخدم تطبيق سامسونج و حاول تسجل رقمك من عليه ... إن شاء الله تشتغل معاك

[mon28]

طب تطبيق جوجل خلاص كدة باظ و مش هينفع تانى و لا ايه عشان انا مش متعود على تطبيق سامسونج

[Artist8]

مش عارف مشكلة تطبيق جوجل ابيه بالظبط لأن لقيت المشكلة دى عليه فى أجهزة غير سامسونج
و المشكلة عند جوجل مش فى التطبيق نفسه غالبا
عموما انت هتلاقي مزايا تانية فى سامسونج ... يمكن أهمها انك تقدر تشغل RCS لشريحتين اتصال فى وقت واحد عكس جوجل إلى بشغلها لخط واحد بس