السلآم عليكم ،
بديل الفولد ٣ وانصح فيه وبقوة 👌🏻
طبعآ حطيت موضوع قبل سنة من الٱن عن جوال الفليب ٣ وحبيت اعطيكم كل صغيرة وكبيرة بالجوال للي يفكر ياخذه.
تحصلون الموضوع القديم هنآ:
الجهاز جميل وغريب ويلفت الانتباه ومميز جدآ لكن غير قابل للاستعمال لعدة اسبآب شخصية منهآ:
- الخط بعرض الشاشه يضيق الصدر ويخليك كل شوي تناظره وتتحسف سواء في الواتس او انستقرام او فيديو او ... الخ.
- البطارية ضعيفة نسبياً مقارنة بالاجهزة الثانية ، جوالي القديم S10 plus كان يجلس معي اليوم كامل لكن الفليب اشحنه مرتين باليوم (بالنسبة لاستخدامي).
- الكاميرآ اضعف من الاجهزة الرائدة في سامسونق.
- الشاشة حساسة جدآ ، انا انسان محافظ وللاسف خدشتها والجوال غالبا مقفل ما ادري متى وكيف انخدشت.
- بعض البرامج ما تدعم الشاشة كامله ف تصير بنص الجوال ويبقى فضى فوق وتحت وحتى الالعاب نفس الفكرة ب تصير اللعبه صغيرة بنص الجوال.
بالنسبة لي ما ندمت على شرائي للجوال لاني اشوفه تحفه فنيه فعليآ لكن اشتريت S22 plus وحسيت اني بالجنة بعد استخدام ٨ شهور للفليب 😂.
ف لمحبين التقنية والجديد انا انصح بس للتشخيص ، اما لمستخدم يومي ويبغى يصمل عليه ولا عنده غيره اشوفه ابدا خيار غير موفق.
بالأول والأخير هذا رأيي الشخصي وحبيت اكتبه هنآ لأني كثير انسألت عنه وكيف كانت تجربتي معه.
