هل صحيح؟ كنت ناوي أشتري جالكسي S24 ultra

[xXxLitHxXx]

وأشارت تقارير صحفية إلى عدد من المستخدمين رصدوا تآكل طلاء شاشات هواتفهم وظهور مشاكل كبيرة بالخدوش وبصمات الأصابع على الشاشة، مما جعل الطلاء المضاد للانعكاس يتآكل.

كنت ناوي أشتريه بس الحين فيه مخاوف.

[maher_1409]

انا عندي S24 Ultra للامانه ماشفت شي للحين بس انا محافظ على الجهاز من ناحية الكفر وحماية ل شاشة

[محمد_المحمد]

بالعكس جهاز قوي ,, ولـٰكن بطبيعة أي شيء تستهلكه و يتعرّض لعوامل عديده ويطيح ويتعرض لماء وشمس وغبار وكل العوامل هذا طبيعي وطبيعة كل شيء بالحياة حتى البشر يتأثّرون بأي شيء ولكن بعض الناس تقل ما ودّه جهازه ينكسر أو ينخدش لاطاح 😂🤷🏻‍♂️ ,, ناس طبعهم النّقد الهادم والمشكلة محدٍ درى عنهم , علىٰ كل حال كون تبي نصيحة أخ ، أنتظر الجالكسي اس 25 ألترا ما بقىٰ عليه غير أقل من شهر , الـــلّٰــــه يكتب لنا ولك الصالح 🌷🤲🏻 ..

[xXxLitHxXx]

المشكلة غالي 🥲، قلت بشتري S24 ultra عليه خصم في أمازون بـ 3249 ريال أرخص من هنا بـ 4000 ريال

[محمد_المحمد]

اللي تشوفه أنسب لك ياخوك توكّل علىٰ الـــلّٰــــه وخذه وريّح خاطرك 🤙🏻👏🏻 ,, ولـٰكن قبل تشريه تأكّد هل هو جديد ولا مجدّد لأن بعض الأجهزة للأسف تكون فيها مشاكل , وخل في بالك أن ممكن يكون البلد غير السعودية وبناءً عليه قد لاتستطيع استخدام تطبيق سامسونج واليت وغيرها ..

[xXxLitHxXx]

سألت عنه، هو جديد الجهاز.
مع أني استغربت من السعر مسوين عليه خصم 40% والبلد سعودي، وسألت سامسونج عن بلد الصنع قالوا يصنعون في كل مكان الفيتنام والهند وغيرهم، والجوال سألت أمازون يقول في الفيتنام

[محمد_المحمد]

لا تخلّيه بخاطرك دام تبيه , و الـــلّٰــــه يبارك لك ياخوك 🌷

[xXxLitHxXx]

أنا قلت بشتري جوال يدوم 6 سنوات على الأقل
لأن أشتريت S3، S7 edge ، A72 وكل جوال أخذ 5 إلى 6 سنوات وآخر واحد A72 يقول لي البطارية فيها مشكلة

[maher_1409]

زين هل هو أمريكي او وش

[Abood_101]

نصيحة لاتشتري الا من جرير او سامسونج او اكسترا صحيح اغلى بس سلعة مضمونه المواقع الثانية ماتدري اش وضعه ممكن يكون مجدد وتبلش فيه مشاكل من اول ما تأخذه والأفضل تنتظر لين ينزل 25 راح يكون فيه عروض على 24 👍