مشكله فى الشحن

[dreamingforever]

موبيلى s20 fe

المفروض انه water resistant 

حصل ان استعملته فى البحر ودخل ميه فيه جاى لى notification

إن فى مياه فى مدخل الشاحن ع بليل الرساله ديه مظهرتش تانى،قلت تمام شحنته عادى ،بس بعد يومين لما ركزت لاقيت انى لما بحطه ع الشاحن الاصلى بيظهر لى cable charging ووقت اكتر من الطبيعى للشحن ساعتين وشويه مع العلم انه من صفر الى ١٠٠% بياخد ٩٠ دقيقه جربت شواحن اخرى نفس المشكله ،جربتى شاحن بتاعى ع موبيل تانى طلع fast charging عادى 

ف كده فى عيب فى الموبيل بس مش عارفه ايه هو ؟

برجاء المساعده انى لما اجى اشحنه يطلع fast charging زى الاول 

[Emadinho]

مفيش موبايل ضد مياه البحر ،
ال
water resistant
ضد المياه العذبه فقط
، يفضل تقفله ومتستخدموش لحد ما توديه التوكيل او حد بتاع صيانه لان المياه المالحه تبوظه

[Future2Day]

لما نستخدمه فى بحر/بسين، فيه بوتش شفاف مقاوم للمياه بيتحط فيه الموبايل عشان يعزله عن المياه
بالنسبة للسوكيت، نجرب ننضف مدخل الجهاز بمنديل ورق ورشة كحول بحرص ولومنفعش، يبقى محتاج فحص بالتوكيل

[dreamingforever]

انا فعلا كنت فى حاطه فى كفر شفاف عازل للميه بس للاسف طلعته من الكفر العازل عشان اعللى الاضاءه جت موجه بحر حلوة جت فى الموبيل ،بس قلت مش مشكله اكيد مش هتسيب مشكله لانه
Water resistant

[Future2Day]

موضوع مقاوم للمياه للمياه العذبة وليس لمياه مالحة/مضاف عليها مادة كيماوية زاى الكلور
ده غير إنه مش بيتحمل أكتر من نصف ساعة لو أتحط تحت عمق متر ونص
المشكلة من قد إيه؟

[dreamingforever]

من ٣ ايام
مكنتش اعرف انها الميه العذبه مش الملحه
منزلتهوش تحت الميه
كنت رفاعه ل فوق
و موجه جت فيه
بعد كده شيلته بره

[Future2Day]

لو فى جهاز تانى ينفع نستخدمه مؤقتا، عشان فى إقتراح إن الجهاز يتقفل ويتحط فى كيس رز عشان يمتص المايه لمدة يومين وبعدين تنضيف السوكيت اللى أتوصف فى أول تعليق

[dreamingforever]

اوكى هعمل كده

[dreamingforever]

طب لو مجبش نتيجه موضوع الرز اوديه التوكيل

[Future2Day]

لو التأخير فى الشحن مش فارق قوى مش لازم لأن فى عملاء كتبوا هنا بوستات عن إن بعد ما عملوا صيانة فى التوكيل، اكتشفوا مشاكل تانية