مشكله سخونه s22 5g

[Anonymous]

التيليفون سخن اغلب الوقت لو بتفرج علي يوتيوب ، انا مش عارف هل ده بسبب اني اول مره يبقي معايا تيليفون ضهره ازاز ؟ ولا بسبب عيب ف المعالج 

Snap dragon 8 gen 1 

و عملت ضبط مصنع كذا مره 

انا الي مضايقني ف السخونه ان البطاريه بتخلص بسرعه

بشحنها مرتين ف اليوم ، مره ف نص اليوم و مره لما اجي انام 

درجة الحراره لما بتعلي بتبقي ٣٥ درجه 

عايز اعرف بقي ده عيب ف التيليفون ولا ايه .

[الفاشل٣]

بص يا برنس هتعمل الاتي :-
اول حاجة فعل وضع توفير الطاقة
ثانيا من اعدادات البطارية حط كل التطبيقات في وضع النوم "العميق"
ثالثا شغل اوبشن توفير البيانات
واخيرا اعمل
Wipe cache partition
وضيف عليهم الغي الشحن السريع والشحن السريع الفائق واشحن علي ابطأ حاجة

[Anonymous]

طب منا اروح ابيع التيليفون احسن 😆 لما هلغي كل حاجه يبقي لزمته ايه
انا ممكن الغي الشحن السريع لانه كده كده البطاريه صغيره ف بتشحن بسرعه
ثانيا انا لسه لاغي ال١٢٠ هيرتز من شويه و البطاريه بقت احسن بمليون مره بقالي ٤ ساعات ماسك التيليفون مخلصش منه غير ١٥ % بس

[Anonymous]

يعني اول ما جيت الغي ال١٢٠ هيرتز البطاريه كانت ٥٠ دلوقتي ٣٥
ف ٤ ساعات
ف اعتقد المشكله اتحلت كده

[ahmedGalaxy2]

وممكن تروح تعمل سوفت وير في اي توكيل لو الجهاز في الضمان هيظبط معاك الكلام بردو

[MahmoudYousry]

لا دا بسبب عيب في المعالج ال snap dragon 8 gen 1 بيسخن وصرفة للطاقة عالي وضيف علي كدة الجو الحر للاسف سلسلة ال s22 معروفة ان بطاريتها سيئة

[Anonymous]

المشاكل الموجوده كلها اتحلت من زمان اول ما اندرويد ١٣ نزل كنت عايز اعرفكو بس عشان نسيت اقول و البطاريه بقت بتقعد ٦ ساعات كمان