مشكلة في الكيبورد

[nzarxx]

انا جهازي s24 العادي وبعض احيان الكيبورد يهنق او يعلق معاي يصير بطيء في كتابة الاحرف ولما احذف الحروف يكون بطيء بعد يعني لمدة ثانتين كذا او اكثر شوي وذا الشي مره مو مريح كل شوي يجيني وفرمت الجهاز كامل وكل شي جديد كأني توني مستلمه الا انو برضو المشكله موجوده هل لها حل ودي اعرف لان انا اراسل يوميا ومضايقني هالشي 

[nzarxx]

سمعت من اكثر من شخص ما يحتاج تحذف او تغلق التطبيقات لان الجوالات الحديثه تعرف تتعامل مع الرامات وترتب امورها بنفسها ولان اذا دخلت على التطبيق مره ثانيه وانت مقفله راح يعيد تفتحه وتشغله من البدايه وذا الشي ياخذ من شحن من البطاريه

[BaselAlzhrani]

معلومة جديدة صراحه ومفهوم جديد في حق الرامات شكرا

[XTML0958U]

عادي يرجال طبيعي
معي زمان ال 22 و 23 والحين 24 ونفس الشيء
بس ماتصير لي الا بالتلقرام
هو تلقى المشكله من التطبيق مهو من الجوال

[nzarxx]

لا معليش بس مو عادي للشخص للي يكتب كثير وهو يعني شي سخيف المفروض ينحل بسهوله لان ترا فقط كيبورد شي بسيط فا اذا انت جوالك حديث السنه المفروض هالشي ما يكون موجود وفيه اهتمام اكثر شوي

[أبوسرور١٢٢]

من الضبط - التطبيقات - الثلاث خطوط عالجنب - إظهار تطبيقات النظام إبحث عن كيبورد سامسونغ - مساحة التخزين - مسح الذاكرة المؤقتة إذا ما تعدل الاداء - مسح بيانات الكيبورد 

[nzarxx]

سويت نفس ما قلت بالانقليزي اسمها clear cache وبشوف اذا واجهني تعليق

[أبوسرور١٢٢]

● إيه جرب تكتب بسرعة أو بطئ إذا صار تعليق سوي clear data. 

● وتأكد من خيار فيه كيبورد سامسونغ - إدخل على مزيد من ضبط الكتابة - قفل خيار دقة محسنة كان يسبب لاق. 

● الضمان ما يستبدل الجهاز إلا في حال وجود خطأ مصنعي هاردوير.  

● مشكلتك في السوفتوير واجهت كذا مستخدم يكون فيه حلول من خلال مسح الداتا إذا ما ضبط يرسل المستخدم تقرير خطأ من التطبيق هذا - الدعم  - طرح سؤال - تضغط علامة الإرسال الي تحت عالجنب - أول خيار بطئ في الجهاز وتكتب لهم المشكلة وينرسل للشركة. 

وأي مشكلة تواجهها تكتب هنا منشور أو ترسل تقرير خطأ. 

[iBasim]

S24Ultra
المشكلة تواجهني في تيليجرام فقط اذا كتبت كم كلمة

حرام عليهم الكيبورد جدًا ممتاز والأفضل على الاندرويد ماادري ليه مايحلون ذا المشكلة.

[nzarxx]

لا والله انا تواجهني في تطبيقات كثير لكن اكثر شي بالسوشال زي انستا وسناب وتيك وتلقرام وانغثيت من البطئ

[iBasim · Accepted solution]

جرب كيبورد قوقل Gboard الفرق بسيط بينه وبين كيبورد سامسونج