فورمات الجالكسي اس ٢٢ الترا

[hasan7h]

ياشباب بطاريه الجالكسي اس ٢٢ الترا عندي تروح بسرعه وجوالي جديد مالهه شهرين هل إذا عملت فورمات بتتحسن البطاريه او لا

[Yes-KSA]

انصحك توقف الفايف جي .. تشغله وقت الحاجه .. بيوفر عليك كثير

[yo905]

ادفع بجهاز مبلغ مرتفع واخرتها الغي اغلب الميزات واخليه كانه نوكيا المفروض الشركة الي تتحمل الخطأ من عندهم والمفروض نقاطعهم حتى يقدرون العميل مثل ماقاطعناهم عشان معالج اكسنوس وجاب نتيجه الان بدلوه بسناب درجون بس اذا حن سكتنا بيجلسون يضحكون علينا لان اكبر همهم المال مادرو عن العميل

[yo905]

للأسف يخوي لا تفرمت ولا شي عندي نفس الجهاز اس ٢٢ الترا وقاعد اكتب الان وهو بالشاحن 😂
هو اصلا من الشركة بعد التحديث الأخير عشان يطبلون للاس ٢٣ انه الافضل بالبطاريه

[XTML0958U]

لا مارح يفيدك اساسا كل سلسله اس ٢٢ من صغيرهم لكبيرهم فيه استنزاف وخاصه وقت السكون يعني اذا نمت انت او تركته تلقاه ينقص بدون سبب
الحل بيعه
انا بعته وشريت a73 وبستخدمه لين ينزل سعر ٢٣ الترا وباخذه😁😁😁

[فيصلf5]

يوم ينزل سعر ٢٣ الى اس ٢٤ نازل ثم تجلس تعاني من البطاريه

[سليمان2018]

و A73 كيف الوضع من ناحية استهلاك الطاقة والحرارة؟

[خاين]

لا تستخدم لوحه مفاتيح سامسونج لانها السبب استخدم لوحة مفاتيح جوجل او اي شي غير سامسونج

[فيصلf5]

معي ٢٢ حراره والبطاريه تخلص بسرعه وابشرك مخليه ٦٠ هرتز ودقة الشاشه اصغر شي ومسوي توفير الطاقه ومع ذلك ينزل بسرعه وفوق هذا مانزل اي تحديث له
اجهزة سامسونج تحسها ديكور مؤقت فقط

[Zuhair19]

السبب في كذا انك حدثت لاصدار جديد من الاندرويد وماعملت فورمات له ، الافضل انك تفرمت وتقعد اسبوع بعدين بيرجع احسن من اول