ضروري واتمني الرد بسرعه من خدمه العملاء

[moaamer22]

انا عندي حساب ع سامسونج اكونت واخدت عليه نسخه وبعدها فرمت الجهاز بسبب ان الزفت الموبيل بيهنج فتحت الموبيل بعد الفورمت عشان اسجل اكونت بتاعي وارجع النسخه مش راضي يسجل بيقولي الاكونت غلط عملت كل المحاولات ازاي ارجع  

ودخلت حاولت ولقيت المعرف بتاعي صحيح 

وادخل ع خانه اعاده تعيين الباسورد واكتب الاكونت يقولي غير صالح بسرعه حل بالله عليكوا عشان كدا كل شغل راح 

[El-Bob]

الله يعوض

[Anonymous]

ممكن تكون حضرتك كاتب الايميل غلط مش كلمة السر
حاول تكتب الايميل صح

[Kirolos_Habib]

اتاكد انك كاتب بياناتك صح
و بأذن الله المشكله دي تتحل

[AMedhat]

لو مظبنش اطلع على اقرب فرع ليهم ممكن حد يساعدك

[Sara-nader]

مساء الخير يا فندم مع حضرتك ساره من سامسونج مصر

بنشكرك جدا على طرح سؤالك وبنتمنى لحضرتك يوم سعيد

وبنعتذر لحضرتك جدا عن المشكله اللى بتواجه حضرتك 

ف حاله أن حضرتك عامل سامسونج أكونت يرجى التأكد من كتابه البيانات بطريقه صحيحه 

وفى حاله استمرار المشكله أستأذن حضرتك فى  التوجه لاقرب مركز صيانه  لحضرتك  للتمكن من مساعدتك

تقدر تتعرف على أقرب مركز صيانه من خلال  الرابط الاتي:
https://www.samsung.com/eg/support/service-center/

 نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك