انتقال من واجهه One ui 6 الي one ui 8

[mohamed25485]

هناك اتجاه من سامسونج بالانتقال من واجهه one ui 6 الي one ui 8

هناك اتجاه من سامسونج بعدم ارسال تحديث الواجهه الحاليه بسبب ظهور مشاكل كتير مما تنعكس بالسلب علي حاله الجهاز 

[RamyELGammal]

الكلام ده صعب يتصدق
في مصدر للخبر ؟

[tamim2022]

وشركة ابل عملت كدة يعني مش صعب ان الشركات تعمل ده اذا واجهت مشاكل وصعوبات في تحديث معين فممكن تلغيه كله وتنزل بتحديث تاني خالص كل ده وارد في ظل تقدم التكنولوجيا اللي بنعيشه وكل ما زادت زادت مشاكلها.

[RamyELGammal]

انا مش معترض عشان ده صعب تكنولوحيآ 😀
لكن في ظل ان سامسونج عامله دعم هواتفها بعدد وليس بالسنين
هل لو صح الكلام ده تبقي كل الهواتف خسرت ترقية او بمعني اخر راحت عليها ترقية !!!وهل الهواتف اللي نزلت بواجهة 7 مباشرتآ يبقي بعد اربع او خمس اشهر يترقوا وتبقي كده دي واحده محسوبه
والهواتف اللي ملهاش واحهة 8 و7 كاتت الاخيره يبقي كده هيفضلوا علي 6 للابد
الكلام ده مش سهل والموضوع مش رمي خبر والسلام في تفاصيل كتير وراه
عامتآ هو تم استئناف التحديث للواجهة 7 مرة اخرى واعتقد انه بكده تبقي الاشاعه دي ماتت

[tamim2022]

هو انا مش عارف ليه صعب تكنولوجيا في ظل الذكاء الاصطناعي اللي العالم كله عايش فيه والتقدم الهائل في المجال التكنولوجي والتطور الرهيب اللي كل ساعة بيتقدم لان انا شايف الموضوع بسيط وسهل جدا في انهم يتخطوا التحديث عموما .
غير ان لو ع قصة الناس هتفقد ترقية تحديث فده برضه حله بسيط جداو مافيش فيه مشاكل انها تعوضهم بالتحديث الجديد اللي هينزل وتحديث تاني بعده والقصة الشركة هتعرف تتغلب عليها عادي جدا .
وفي تجارب تثبت كلامي ده زي شركة ابل ومايكروسوفت وشركة اسوس .
فمعلش سامسونح لا اعتقد انها اقل من دول انها تعمل كدة اذا كان في ضرورة تقتضي ده لكن اذا مافيش يبقى خلاص.

[RamyELGammal]

واجهة 7 هتنزل مبنيه علي اندرويد 15
وبما ان سامسونح شركة مش قليله زي ما بتقول يبقي عيب قوي لما اوبو وشاومي يعرفوا يعملوا واجهة عليه وسامسونج ما تعرفش واجهة 7 نازله نازله وكل الحوارات اللي لهيين الناس بيها ديه بتاعة مشاكل لاغراض تسويقية بحته

انا مش بقول انه صعب تكنولوجيآ انا برد علي الجملة اللي قلتها انه في ظل التقدم التكنلوجي فا بوضح ان الموضوع مش محتاج تكنلوجيا من الاساس

ابل مش مقياس في الموضوع لانها ملهاش منافس وبتغرد مستقله في نظام تشغيلها عكس الاندرويد اللي فيه منافسه واضحه بين اكتر من شركة

[tamim2022]

ما هو التحديث يا ريس مش واجهة بس عشان نقارنها بابو او شاومي التحديث بيبقى اكتر من واجهة ولكن الخطأ والتعثر مالوش علاقة هنا بسامسونج او اقل منها او اكبر منها القصة واردة انها تحصل في اي شركة وفي اي منتج المهم انه ممكن نتخطى الخطأ ده ونصلحه بأفضل منه ده اللي انا اقصده.
وقصة ان ابل مش مقياس بالنسبة للأندرويد لكن مقياس في مجال الهواتف المحمولة ومعالجتها فبالتالي لازم توضع بالحسبان مينفعش منحطهاش في الاعتبار.
وعموما خلينا نشوف الايام فيها ايه.

[tamim2022]

لا مش صعب ولا مستحيل عادي وارد يحصل ايه اللي يمنع خاصة ان ده اذا حصل هينزل تحديث احدث وبمميزات افضل من التحديث اللي اتلغى لا أظن ان في حد هيضايق من كدة اذا ده حصل.
ولكن انا الخبر ده انا قريته بالفعل من مدة ع منصة اكس بس اللي محتمل ان سامسونج ممكن تتخطى التحديث الفرعي ٧.١ الى اندرويد ١٦ وواجهة ٨ علطول ده اللي ناس كتيرة بترجحه انه ممكن يحصل .
وعموما الأيام جاية وهنشوف هيحصل ايه.

[MahmoudAhmed1991]

مفيش الكلام ده
اللي اتلغي تحديث 7.1
و هيتم الانتقال علي طول علي one ui8

[tamim2022]

ما هو ده اللي بنتكلم عليه تحديث فرعي غالبا مش الرئيسي