آخر تجربة مع سامسونق

[Anonymous]

تقريبا هذي آخر مره اشتري من سامسونق لعدة أسباب :

Samsung pay اللي طالت وتوها تجي ولسا مانزلت

بطء الجوال خصوصا S22u ومجرب من أكثر من جوال

((اعتقد السبب عدم توافق قطع الهاردوير مع السوفت وير عكس الايفون))

دعم التطبيقات بشكل أفضل بالايفون عكس باقي جوالات الاندرويد

الايفون نظامه أقوى كحماية وتوافقية بين الهاردوير والسوفت وير .

نتمنى اللي عنده رد يرد بطريقة مهذبة ولا يتحسس من كلامي وكأن سامسونق شركة الوالد

[ItAintMe]

عفوا ابد والله روح والله يبارك لك فيه يارب انا شاري لزوجتي ١٥برو وممتاز الجهاز ونفس ماتفضلت مايعلق ودعم التطبيقات شي نسيت اذكره صحيح افضل في ايفون وتصوير الفيديو اذا بتحلله مضبوط الجهاز اكثر من رائع يعني بالعكس قفزه محترمه❤

[Anonymous]

بارك الله فيك .. وكل جوال وله مميزاته والعميل يشتري اللي يناسبه 👏❤

[ItAintMe]

وفي شي ممكن تشوفه تافه حاليا لكن بتفقده مع الايفون الحافظه اللي تطلع لك اذا نسخت اي شي يا اخي هذا الشي اللي معلقني في سامسونج في ايفون اذا نسخت اي شي بمجرد تقفل الشاشه يروح اللي نسخته

[ItAintMe]

ومعليش كثرت عليك بس نسيت اقول لك هالمعلومه انت تجربتك حاليا مع اسوأ اصدار خلال هال٥سنوات ال٢٢ فيه مشاكل من اول مانزلوه يعني نفس مشكلتي مع ال١٢بروماكس كان اسوأ اصدار خلال ال٥ سنين اللي راحت ف احنا طحنا في ازبل جهازين من الشركتين ف صعب انا او انت نحكم اي شركه افضل😖

[Anonymous]

الصراحة مجرب انا s24u بس الdemo لأنه بالمعرض كان وبرضو ماناسبني ك سلاسة بس ما ابغى احكم

[AboNasser]

اذا كنت من الأشخاص اللي تجدد الأجهزة كل سنتين او ثلاث
وتبحث عن الأفضل

نصيحتي للكل اشتر اعلى فئة من اي شركه واستخدمها 3 سنوات

وقتها بتعرف اكثر شي بتكون محتاجه وفاقده

تجربتي مع نظام آبل وأندرويد من سامسونج

في شركة آبل وجدت اني افقد اكثر من 90٪ من احتياجي

والتغير القادم بيكون أحد الأجهزة الصينيه المطوية
مثل اونر ماجك 3
وبما ان جهازي لازال حديث في الغالب بنتظر الى ماجك 4 او اي شركه منافسه تقدم مثل جماليه و كفائه التصميم

[Exquisite]

تعجبني ماعندك تعصب لشركة معينة زي اغلب الناس .. الواحد يشوف احتياجاته .. وانا جوالي الجديد رح يكون صيني على الاغلب .👏👏👏👏

[AboNasser]

سامسونج بدا يقل عندهم حس الإبداع لازم نطلع من عندها حتى تشعر بالمنافسه وتقدم لنا افضل ماعندها كما في السابق

[Anonymous]

مانقدر نحكم .. سامسونق مايمديك تشوف عمر البطارية مثل الايفون ، فالله اعلم

[فيصل2288]

الله يوفقك روح اشتري ايفون 16 واستمتع بالحراره من اول نصف ساعه وبعد كم شهر راح تستمتع اكثر باستهلاك البطارية وبعد سنه الى سنتين مع صدور ايفونات احدث راح تستمتع ببطئ في الجهاز وبطارية ما تكمل معاك نص يوم
وايضا راح تستمتع بمميزات الذكاء الاصطناعي حقت ابل اللي متواجده حاليآ لدى الاجهزه في امريكا فقط او للمطورين والسنه القادمه 2025 راح تتوفر لسبع دول اضافيه وليس من ضمنها الدول العربية واحتمال توصل للدول العربية عام 2026 واحتمال تتأخر اكثر.

خلك عقلاني شوي الميزه الوحيده في الايفون هي التوافق مع تطبيقات السوشيال ميديا وانا دائما وابدا اقولها لأي احد اذا استخدامك فقط سوشيال ميديا خذ ايفون.

لكن تقول الايفون افضل كحمايه وتوافقيه! هذا كلام غير صحيح

وبالتوفيق