اداء الكاميرا سيئ j4 plus

[EslamNabilSaadawy]

السلام عليكم ورحمة الله من ساعت ما جبت الجهاز واداء الكاميرا بتاعه سيء جدا سواء ابامامية او الخلفية فيه ضوضاء كتيرة اوي في الصورة وبكسلة حتي بعد آخر تحديث ليه اللي كان بيقولك تحسين اداء الكاميرات

وبعدين ليه ال j6 plus 

هينزله اندرويد ١٠ والموبايل الخاص بيا لأ مع العلم انهم نفس المعالج

[Sara-nader]

مساء الخير يا استاذ اسلام مع حضرتك ساره من سامسونج مصر

بنشكرك جدا على طرح سؤالك

فى البدايه بعتذرلك جدا عن المشكله اللى بتواجه حضرتك

بناءا على سؤالك من الموضح أن حضرتك بتواجه مشكله فى الكاميرا الخاصه بجهاز ال j4 plus

أستأذن حضرتك فى اتباع الخطوات دى :

1- نقوم بالدخول على الكاميرا

2- ثم الدخول على الضبط 

3_ نقوم بتفعيل الكاميرا على أعلى جوده 

فى حاله استمرار المشكله 

يرجى عمل ضبط مصنع للجهاز عن طريق الخطوات الاتيه: 

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تخزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

لو مازالت المشكله مستمره 
برجاء التوجه لاقرب مركز صيانه  لحضرتك  للتمكن من فحص الجهاز

تقدر تتعرف على أقرب مركز صيانه من خلال  الرابط الاتي:
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

نتمنى نكون أفادنا حضرتك

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

[EslamNabilSaadawy]

والبطارية اللي بتقعد حوالي ٥ ساعات في الشاحن عشان تشحن

[EslamNabilSaadawy]

وارجو الرد سريعا علي سؤال البطارية

[Sara-nader]

بالنسبه للبطاريه يا فندم بيكون ليها خطوات ايضا أستأذن حضرتك فى اتباعها لحل المشكله : 

1.قم بتعديل درجة سطوع الشاشه

2-كل ما كانت الشبكه ضعيفه كل ما كان التليفون بيبذل جهد وبيقوى الشبكه فبالتالى بيسحب من البطاريه 

3-قم باغلاق التطبيقات المفتوحه 

4-قم بالتأكد من عدم وجود أى مشكله فى البطاريه الخاصه بالجهاز أو زر التشغيل 

6-استخدام الشاحن الاصلى بالجهاز 

لو مازالت المشكله موجوده بعد عمل الخطوات الأتيه برجاء التواصل معانا مره اخرى 

واحنا هنكون تحت امر حضرتك وفى خدمتك 

ونتمنى حل المشكله فى أسرع وقت ممكن