a30

[m7mdsaa33d]

انا عايز اشيل اندرويد ١٠ ده م الموبايل خالص عشان تحديث فاااشل بمعني الكلمه اقسم بالله والموبايل خرا وبطئ وبيهنج ولا كأني ماسك جي تايد 

[احمدعبدالله]

انا زيك بوظ الفون ده غير البطاريه مابقت تقعد

[NothingElseMatters]

حضرتك تدخل على اليوتيوب وتبحث عن شرح برنامج
odin
وتمشي ورا الخطوات بالظبط عشان تنزل روم او سوفت وير اصلي ومصري وحتلاقي نسخة اندرويد ٩ اصلية على موقع
sammobile.com

[elhawary]

عملت ضبط مصنع بعد التحديث ولا لأ

[elhawary]

لو معملتش ضبط مصنع اعمله هيظبط معاك
اما لو انت مش عاجبك اندرويد ١٠ فبامكانك تنزل التحديث اللي قبله من موقع سامسونج وتثبته عن طريق الاودين بالكمبيوتر

[Anonymous]

انا بردو فكرت فى الرجوع الى اندرويد ٩ و فوجئت باحد المستخدمين بعد رجوعه الى اندرويد ٩ عدم تشغيل المجلد الأمن و Samsung health و كمان البصمة

[elhawary]

دا مرجعش لاندرويد ٩ بالمعنى الحرفي
دا عمل روت او ريكفري معدل أو ركب روم للجهاز أو لعب في قفل الشركة المصنعة
أما الرجوع لاندرويد ٩ عمره ميأثر على الامان ( نوكس ) وبالتالي عمره ما يأثر على برامج سامسونج اللي انت ذكرتها
الكلام دا عن تجربه في أكثر من جهاز

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك بعد التحديث

يرجى  اعادة ضبط المصنع للجهاز.
الضبط ← الاداره العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch
http://www.samsung.com/eg/support/smartswitch/

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك

[alimaher2]

الموبايل دعمه وقف دا ممنوع تشتري A30 في 2023

[Amira-elnagar]

tttrt

مساء الخير يا فندم مع حضرتك اميرة من سامسونج مصر

بنشكرك جدا على طرح سؤالك وبنتمنى لحضرتك يوم سعيد

بناءا على سؤالك

اخر تحديث صدر للجهاز هو اندرويد11  

وقد تم اصداره بالفعل 

وغير متاح له اندرويد12

بنعتذرلك جدا لكل موديل بيكون لة التحديثات الخاصة بة و اللي بتميزة عن غيرة 

لو فى أى سؤال تانى عند حضرتك ممكن توضحهولنا 

واحنا تحت أمرك فى أى وقت وفى خدمتك دايما 

شكرا  لحضرتك ولوقتك