Samsung

[omarnagib]

لو معاك موبايل Samsung من الفئة الاقتصادية زي "Galaxy A" أو "M" فخليني أقولك حاجه صغيرة

غالبا دلوقتي عندح تطبيق من تطبيقات إسراء.. / يل في جيبك و شغال في الخلفية و بيحول كل بياناتك على servers مسؤولة عن تخزينها و معالجتها

التطبسث هو "AppCloud"

التطبيق دا بيعمل إيه؟

باختصار "AppCloud" تطبيق شكله كيوت كدا و بيقولك: "أنا هنا علشان أساعدك أختار تطبيقات كويسة"

بس الحقيقة أنه مش مجرد مساعد.. دا أداة تج.. / سس متسترة تحت اسم جميل

من أول ما تفتح موبايلك بعد الشراء بتلاقي "AppCloud" شغال تلقائيا من غير ما يطلب اي اذونات و من غير ما تسأله

و الأكبر من كدا كمان انك لو حاولت تش.. / يل التطبيق دا.. مش هيحصل

طيب هو بيعمل ايه اصلا؟

بيقترحلك تطبيقات “حسب استخدامك”

مش بس كدا.. دا كمان بيزرع إعلانات موجهة

و زيد على دا كله بيجمع بياناتك زي:

1- بصمة وجهك و أصابعك

2- عنوان الـ IP

3- نوع موبايلك و الموديل و نظام التشغيل

4- حتى التطبيقات اللي عندك 

طيب مين ورا الموضوع دا؟

اللي ورا الموضوع دا شركة اسمها "IronSource"

هي شركة تكنولوجيا إعلانات مقرها في عاصمة "اللي بالي بالك" 

و هي الشركة اللي "Samsung" عملت معاها شراكة من 2022 علشان تركب التطبيق دا مسبقا في أجهزة "Galaxy A" و "M" اللي بتتباع في الشرق الأوسط و شمال أفريقيا

يعني بالعربي كدا

تطبيق إسراء.. / يلي مثبت جوا تليفونك و انت مش عارف 

طيب إيه اللي ممكن يحصل اساسا؟

الفكرة مش بس إن الشركة دي شركة ل.... (انت فاهمني طبعا) الفكرة أن تطبيق "AppCloud" بيحط كل قوانين الخصوصية في أقرب مكان انا و انت عارفينه كويس 

ببساطة 

مفيش إذن واضح بيتطلب منك

مفيش سياسة خصوصية مفهومة

مفيش اختيار إنك تحذفه أو توقفه اساسا 

و كمان ممكن يرجع يشتغل تاني بعد أي تحديث للنظام

منظمة "SMEX" (المتخصصة في الحقوق الرقمية في المنطقة) نشرت تحقيق شامل في مايو 2025 بيكشف تفاصيل كتير جدا عن "AppCloud"

و كمان قالت بالحرف:

فيه خ.. / ر.. / ق واضح لخصوصية المستخدمين خصوصا إن التطبيق بيجمع نوع بيانات اسمه بيانات "بيومترية" زي بصمة الوجه من غير موافقة صريحة من المستخدم

الموضوع دا بيحصل بس في أجهزة رايحة لأسواقنا 

و كان رد SMEX الرسمي انهم بعثو خطاب لشركة Samsung الشرق الأوسط يطلبوا فيه:

1- إزالة تطبيق "AppCloud" من الأجهزة الجديدة

2- نشر سياسة خصوصية واضحة بالعربي

3- توفير طريقة آمنة للمستخدم عشان يكون قادر يوق.. / فه أو يم.. / سحه من غير ما يحصل أي حاجه للنظام

تفتكر ايه اللي حصل من وقتها لغاية لحظة كتابة المقال دا؟

شركة "Samsung" لم ترسل اي رد عليهم خالص

طيب هل ممكن التطبيق يت.. / شال؟ 

للأسف لا

التطبيق دا مش بيت.. / شال بالطريقة العادية لأنه "System App"

لكن تقدر تدخل على الإعدادات > التطبيقات > AppCloud و تعمله تع.. / طيل

ممكن كمان تعمل كدا من إعدادات الإشعارات أو من إعدادات الـ Galaxy Store

بس خلي بالك ان فيه ناس قالت إن التطبيق بيرجع يشتغل بعد التحديث

طيب قانونيا ... الوضع عامل ازاي؟

اللي بيحصل ده مخا.. / لف لقوانين الخصوصية زي:

قوانين "GDPR" الأوروبي

و دا قانون بيمن.. / ع جمع أي بيانات بيومترية من غير إذن من المستخدم نفسه 

و كمان قوانين خصوصية البيانات في مصر و دول الخليج

و ميثاق خصوصية المستخدمين في Google و Android نفسه

وبدل ما شركة "Samsung" تراعي الخصوصية.. عملت شراكة مع شركة إعلانات موجودة في عاصمة ال... (انت فاهمني تاني) و ثبتت التطبيق في الموبايل كأنه جزء من نظام التشغيل 

هل الموضوع دا موجود في موبايلات "Galaxy S" أو "Z" ؟

حاليا لا و واضح حتى الآن أن الظاهرة دي مرتبطة بسلسلة "Galaxy A" و "M" فقط و غالبا لأنهم موجهين للسوق المتوسط و الاقتصادي (يعني احنا) 

عشان كدا نصيحة مني لو كنت بتستخدم موبايلات "Samsung" فيا صديقي العزيز you know what to do و ربنا يسترها معانا جميعا من اللي جاي

[YoussefHazem]

تمام أنا معطله تماما هل كده هيرجع يشتغل تانى

[omarnagib]

إن شاء الله لا

[YoussefHazem]

تمام شكرا

[abdo_official]

انا كلمت خدمة العملاء شالوه

[omarnagib]

شالوه خالص؟ازاي عملت ايه وقولت ابه؟

[abdo_official]

دخلت كلمتهم عادي

[abdo_official]

وقولتلهم اني مش محتاجه

[cgxv]

يا جماعه التطبيق ده حتى لو اتشال بيجمع معلوماتك وهو متشال وما تسالونيش ازاي

[Ãhmëd917]

https://youtu.be/WfpyljcGYok