Samsung A72 Lag

[Albachino]

موبايلي يا جماعه سامسونج A72

بقالي كام شهر جايبه 

بدأ يهنج شويتين يعني بدوس علي ال GPS من ال Control center 

بتاخد جزء من الثانيه عشان تستجيب وتتداس 

نفس القصه Don’t disturb 

عملت فورمات للموبايل 

والقصه رجعت تاني بعد شويه بعد محملت الابليكيشنز تاني 

للعلم عندي Anti virus ومش محمل حاجه خارج ال playstore ومش بخش علي اي مواقع غير تواصل اجتماعي فقط !!! 

هل الموضوع ده بيحصل معاكوا 

انا ندمان اني غيرت الايفون ورجعت لسامسونج بجد مع اني يعتبر جايب احدث جهاز فئه ال A !!! 

[Anonymous]

جرب كده من غير ال
Anti virus

[Albachino]

وحياتك بجرب من غير حاجه مره تبقي تمام ومره احس في تهنيج
يادي الاندرويد وسنينه

[mhmd_kamal]

اصلا ال GPS فى معظم موبايلات سامسونج بيعلق ومش دقيق
خصوصا ف سلسلة ال GALAXY A

[Albachino]

لا هو حلو مش وحش ودقيق بس مشكلته انه فيه لاج بسيط يقدر بجزء من الثانيه او ثانيه تقريبا بس سخيف بصراحه

[Amira-elnagar]

Albachino

صباح الخير يا فندم مع حضرتك اميرة من سامسونج مصر

بنشكرك جدا علي طرح سؤالك ونتمنى لحضرتك يوم سعيد

يرجى عمل ضبط مصنع للجهاز عن طريق الخطوات الاتيه : 

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch 

http://www.samsung.com/eg/support/smartswitch/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

[Albachino]

اميره انتي مثال للموظف اللي شغال بيقبض قليل فكاره الشغلانه ومش عايز يشتغل وبيعمل اي حاجه باي جوده
وبيقول اي كلام
لو قريتي كلامي كويس هتلاقي اني بالفعل عملت كده ونفس المشكله موجوده
الله ينور يا اميره بس يا ريت تقولي حل مقنع بعد متفهمي المشكله كويس ياما متعلقيش وريحي نفسك 😚

[mezoginn]

رد آلي مصتنع لو الشركه عينت حد تقني فعلا ماكناش شوفنا الكوننت ال... ده
اقرأي الكلام كويس علشان تفهمي وتوصلي المشكله

[mezoginn]

بعد التحديث الاخير
انا موبايلي كده برضه Samsung بقت في النازل بسبب التحديث ده